إظهار الرسائل ذات التسميات شقاوة. إظهار كافة الرسائل
إظهار الرسائل ذات التسميات شقاوة. إظهار كافة الرسائل
الجمعة، 5 يوليو 2013
السبت، 22 يونيو 2013
المحروسة
المحروسة عشان تخلع
لازم ترد المهر
جمعت الزيت والسكر
وعصرت الليمون
وهتنزل يوم تلاتين
من بعد تلاتة العصر
رشا خطاب
السبت، 18 سبتمبر 2010
العودة للمدارس
كل عام والجميع بخير بمناسبة بدء العام الدراسى الجديد ويارب يكون عام موفق للجميع
وربنا يكون فى عون كل رب اسرة من المصاريف اللى مش ملاحق عليها مصاريف رمضان والعيد والدراسة والدروس الخصوصية .
ساعات قليلة جدا وترجع الدراسة ويرجع الطلبة لمدارسهم طابور الصباح وجرس الفسحة وجرس المرواح اهم جرسين للطلبة
لانى لما سالت النهاردة احساسك اية وانت راجع الدراسة كانت اجابة واحدة
ييييييييييييييييييييييييييييييييييييييييييية
هنرجع
للقرف تانى ونصحى بدرى موضوع صعب اوى الصحيان بدرى وخاصة بعد رمضان لان
معظم الناس كانت بتنام بعد الفجر وعلى ماتتعودعلى المواعيد الطبيعية بتاخد
وقت
ولو سالت الامهات هتلاقى الرد هو احنا اخدنا اجازة علشان نرتاح هنرجع للقرف تانى وهنستعد بالجمل الشهيرة
ذاكر ياموكوس مش فالح غير فى الهيافه والكلام الفاضى
ذاكر ياواد ذاكرى يابت
قوم اقرا لك كلمتين ينفعوك .
ياريتك تحفظ دروسك زى مانت حافظ الاغانى.
اطفى التلفزيون وقوم ذاكر
ما فيش مذاكرة على المزيكا .. وازاى بتذاكر و البتاع ده شغال جنبك
والله ماانتوا فالحين بطل لعب بالموبيل وذاكر
ذاكر فى غيرك بيذاكر على لمبة جاز
سيب المجلة اللى فى ايدك وامسكلك كتاب ينفعك
بطل بحقلة فى التلفزيون مش جايلك فى امتحان بكرة
وترجع الامهات لتجهيز السندوتشات من بدرى
اللى رغيف الفينو كل شوية بيكش ويعمل رجيم لما قرب يختفى ويحصل الباتون سيلية
كل سنة وانتم طيبين
وعام دراسى سعيد
رشا خطاب
الاثنين، 26 يوليو 2010
عودة برغوتة
فى سبق خاص للمدونة
جاءنا الخبر التالى
قررت برغوتة العودة مرة اخرى
الى مهمتها السابقة فى القرص
اعمل اية عايزة تطلع بقالها فترة ومصممة
انها ترجع تانى اصل لاالحال اتعدل
ولاحاجة اتغيرت ومش قادرة تسكت بقى
انتظروها قريبا
ان شاء الله
الامضاء
برغوتة بقرصة خفيفة
الأربعاء، 14 مايو 2008
الفلوس دى بتاعة مين
الفلوس دى بتاعة مين
ياريت صاحبها يدينا امارة وياخدها ويقولنا وقعت منة فين
ونسبة ال 10 % محفوظة للحارس الامين
ياريت صاحبها يدينا امارة وياخدها ويقولنا وقعت منة فين
ونسبة ال 10 % محفوظة للحارس الامين
مش هايقوم من على الفلوس الا لما ياخد نسبتة
الاثنين، 14 مايو 2007
حاجة ببلاش كدة
ماتدخلش البيت وايدك فاضية
ماتدخلش على حماتك وايدك فاضية
عايز تهدى خطيبتك هدية حلوة
عايز تدلع ولادك بهدية نادرة
نحقق لك الحلم مقابل مبلغ رمزى
50 الف دولار
نعم 50 الف دولار فقط
ب 50 الف دولار فقط هدية نادرة
اخرقطة
القطة نيكى الصغيرة
اخر عنقود القطط المستنسخة بعد ان قررت شركة التكنولوجيا الحيوية
الأمريكية
التى تخصصت فى استنساخ الحيوانات الأليفة غلق ابوابها نهائيا
الشركة حددت سعر نهائى غير قابل للفصال
بادر واحجز اخر نسخة
حاجة ببلاش كدة
رشا خطاب 2007
الاثنين، 8 مايو 2000
قرب قرب قرب
بص شوف ...
حقق دقق....
وقرب قرب قرب
دنيا جديدة وعالم اعجب الفرجة ببلاش يا بلاش
فى مكان غير المكان لكن هو المكان
وزمان غير الزمان لكن هو الزمان
وحكاية هى الحكاية لكن غير الحكاية
وتعالى قرب يا صاحبى واتفرج معايا
اتنين اتنين ماهى الجامعة اتنين اتنين
اتنين احبة بيتلاقوا جو ه الجامعة
واللى هنا اتنين بيتعاتبوا جوة الجامعة
حاجة عادية وامر طبيعى
لكن الغريب والعجيب اللى بيحصل من زمان ولسة لحد الأن
حقق دقق....
وقرب قرب قرب
دنيا جديدة وعالم اعجب الفرجة ببلاش يا بلاش
فى مكان غير المكان لكن هو المكان
وزمان غير الزمان لكن هو الزمان
وحكاية هى الحكاية لكن غير الحكاية
وتعالى قرب يا صاحبى واتفرج معايا
اتنين اتنين ماهى الجامعة اتنين اتنين
اتنين احبة بيتلاقوا جو ه الجامعة
واللى هنا اتنين بيتعاتبوا جوة الجامعة
حاجة عادية وامر طبيعى
لكن الغريب والعجيب اللى بيحصل من زمان ولسة لحد الأن
نفس المكان اللى كان بيستقبل عشر طلاب بيستقبل عشر طلاب فوق الالف وزيادة
ازاى ماعرفش ومتسألنيش اتفرج وانت ساكت لحسن يقولوا عليك ....!؟
وفرق كبير بين عشر ة زمان وعشرة النهاردة
عشرة من العشرة الكتار جايين ياخدوا علم
وعشرة غاويين علم وعشرة بيدعوا علم
وعشرة فهموا الدنيا وجايين بيبعوا علم
وعشرة كمان جايين بصجات
وما تستغربش وما تستعجبش
دوول فهموا الدنيا ماشية ازاى
كان زمان بيقولوا ان فاتك الميرى اتمرمغ فى ترابة
والوقتى بيقولوا ان فاتك الرقص اتشعلق فى حبالة
وان ماكنتش مصدق شوف الفرق بين جامعى ورقاصة درجة عاشرة
اللى تقضبة فى يوم يجمعة هو فى عشرة بعد المليون وان قدر ياصاحبى
شوفت الجامعة فرق كبير بين زمان والان
مواضيع كتير جدت على الجامعة عرفناها ومش محتاجة تفتيح
تسمعها من أ ، س ، م ، ع ،و، ن ، ا
ومتسألنيش دول مين لانهم فى الجامعة رايحين جايين
والله اعلم دول مين وحكايتهم ايه
لو عايز تسمع كمان استنى فى نفس الميعاد
تسمع حكاية والا اتنين ابطالها معروفين
وبتكتبها واحدة مش عارفة هى مين
الخميس، 26 سبتمبر 1996
عيد ميلادى
بطل بخل ياعم علاء
زودنى سطرين كمان
دة انا رشا ومن شربين
واجنن عشرين
واسأل عن شقاوتى
اللى مجننة ملايين
واسئل عن صحابى
بطل بخل ياعم علاء
بعد شهر ترد عليا
خايف تغرم هدية
دو انا مواليد اتنين اتنين
ومولودة يوم الاتنين
وكمان الساعة اتنين
هاعملك تعويذة سحرية
عبارة عن قنبلة نووية
مع انك ماتهونش عليا
يا مولود خمستاشر سبعة
رشا خطاب
26 /9 /1996
من ذكريات الطفولة
مجلة علاء الدين
العدد 168
الاشتراك في:
الرسائل (Atom)