رشا بتسلم عليك

أول جواز مرور في التاريخ حصل علية نحميا حوالي 450 ق.م وهو خادم رسمي للملك اردشیر یکم أحد ملوك الفرس، أراد أن يأخذ الأذن للسفر إلى جودا، وافق الملك وأعطى نحميا رسالة "إل الحاكم خلف الأنهار" يطلب منه الأمان لنحميا عند مروره بأراضيهم .

ومع مرور الزمن لم يعد جواز المرور هو مجرد وثيقة للسفر والتنقل بل أصبح جواز مرور للتنقل في دهاليز الحياة والحصول على حقوقك مع تطور وتعدد أشكال الفساد في المجتمع فأخذ أشكال متعددة إذا أردت أن تعرف فيجب أن تسأل عن النظام؟

هنا ودائماً ستجد الخريطة أو الدليل الذي يعرفك على النظام ويفتح لك أبواب ودهاليز هذا النظام الخفي المعلن.

اعرف نظامك في  البداية لمعرفة كيف تسير الأمور وكيف يسير النظام وماهية النظام رشوة أم واسطة ؟

نظام الدخان   حتى وان كان التدخين مضر جدا بالصحة فلابد من الدخان أو بالأحرى ثمنه فعليك معرفة كيف تضبط  مزاج  العامل أياً كان وظيفته  حتى يكمل عملة بدلا من أن تقل  المزاج وإلا لن يكمل العمل بمزاج وعليك بالاستحمال إذا تجرأت وقلت أن التدخين مضر بالصحة سيكون مصيرك فوت علينا بكرة ربنا يسهل.

نظام الشاي النظام " الشاي بتاعنا يا أستاذ "حضرتك عارف أنا بشرب كام كوباية شاي عشان اضبط دماغي وحتى تضبط الدماغ لابد أن يفرغ الجيب  فالعلاقة معروفة اصرف ما في الجيب يأتيك ما في الغيب.

نظام الحلاوة و الف مبروك الحلاوة يا باشا أي حاجة يا باشا بعد انتهاء المصلحة والابتسامة التي تسبق ولو تحدثت عن الإكثار من الحلويات مضر اقل ما يمكن أن تناله هو الدعاء عليك .

النظام التقليدي الدرج المفتوح  كفيل فتح الدرج أن تعرف أن التعقيدات التي وضعت أمامك ستنتهي بمجرد إغلاق هذا الدرج وبالطبع يحتاج أن تعرف مفتاح الدرج  وإلا لن  يغلق جيداً ويطير معه أوراقك ومصالحك.

نظام المناديل هو أسلوب مبتكر متعارف علية أن تضع المبلغ داخل العلبة وتضع العلبة مفتوحة بحيث يظهر المبلغ حتى لا تكون فارغة وتخدعهم.

نظام العرق لا تحتاج لمنديل لتجفيفه لأنة يتم تجفيفه بالعملة أياً كان نوعها وثبت علمياً أنها تفرغ الجيوب سريعاً وتجفف العرق.

نظام الهدايا وتختلف الهدايا حسب درجة الخدمة المطلوبة ومن يقدمها والنبي قبل الهدية.

وبعد معرفة النظام  لابد أن تعرف على كلمة السر حتى تستطيع المرور

وهى " رشا بتسلم عليك "

رشا خطاب

توك توك show

     

     لهواة الإثارة ولعشاق الفضول والاطلاع على الأسرار والمهتمين بالإعلام البديل لهواة النميمة والتصنت "هات ودنك" ،" وشوشة " للباحثينعن الحلول الأسطورية ،العصا السحرية لفك كل طلاسم الغاز الأحداث . لعشاق نظريةالمؤامرة  والطرف الثالث والأيدي المرتعشة والخفية ونظرية الأصابع وملفات التمويل والعمالة لجهات أجنبية والتجسس.

     وفى ظل التنافس الشديد الأوضاع المتغيرة  والثقافة الجديدة ونظم المهرجانات الشعبية السائدة  واندثارالحياد والمهنية وصعود الطابور الخامس والفلول القدامى والجددوالنخبة الجديدة.واختفاء صوت المهمشين  والاتجاه إلى الخاملين السياسيين كوجوه جديدة . 

     كان لابد من وجود برنامج سريع يصل إلى حيث لا يستطيع الآخرون الوصول "توك توك شو " هو أول برنامج تلفزيوني استراتيجي عشوائي غوغائي  حصري على الشاشات الفضائية الافتراضية قادر على قلب و تشكيل الحقائق بالاستعانة بالتسريبات والتسجيلات الحصرية والمستندات وفقاً للطلب والموجة الرائجة لن يختلف عن الآخرين لكن يتميز عنهم وفقاً لنظرية على الأصل دور "حينما يتواجد الهارد ديسك يختفى السى دى  " ولا عزاء لأصحاب "صرح مصدر مسئول" وانفرادات مستندات الفوتوشوب . 

    برنامج يرفع شعار "الهري والهري الآخر" مع كل الخبراء  والناشطين والمحللين السياسيين  المتلونين والمتحولين و"المطبلاتية " فهم يصلحون فى جميع الأوقات ومع كل الأنظمة لسرعة تلونهم وتحولهم كالحرباء . الذين يطبقون مقولة جوزيف جوبلز  وزير الدعاية النازي فى عهد هتلر " اكذب اكذبحتى يصدقك الآخرين ثم اكذب أكثرحتىتصدق نفسك. " ونخبة من الإعلاميين المتخصصين في  مقاطعة الضيوف أصحاب الصوت العالي المتعاملين مع المشاهد على أنة الزبون (الزبون هنا ليس على حق )  وهم سائقى التوتوك الخبراء بكل الأمور والطرق  ومع  اول مطب ممكن تلبس فى اول سيارة والخطأ دائماً فى الآخر فهم لا يخطئون أبداً  فالسفسطة هي أسلوب حياة . 

الرهان هنا على النجاح والاستمرار لا يأتي من فراغ بل من تجارب لهذه النوعية من البرامج وتحقيقها لأعلى نسبة مشاهدة  وأحدثها بلبلة وجدل وانقسامات  مما يزيد الإعلانات .

البرنامج لا يمكن ايقافة فالمؤيدون يرفعوا شعار "كلنا توك توك شو " لا لوقف البرنامج .اما معارضين  هذه النوعية من البرامج يعصر الليمون ويشاهد حتى يكون متابع للإحداث ولا يفوته المشهد أقسى اعتراضه أن يأخذ جانب ويصمت أو يغير القناة .

 لا تحاول  البحث عن  القناة التي يعرض عليها  البرنامج ولا عن ترددها فالبرنامج يخص العالم الافتراضي وأي تشابهه مع أي برنامج من واقع الصدفة .

            على جنب يا أسطى          

                            المحطة الجاية

                                   توك توك show

رشا خطاب

27 يناير 2014

حزب الصامتون

         إذا كنت تشعر بالضيق والاكتئاب من كل ما تراه وتسمعه وسئمت من الصخب السياسي والعراك الإعلامي انضم إلينا في هذا الحزب مع نخبة ممن انضموا حديثا من المتحدثين السابقين الذين اختفوا فى ظروف غامضة ومع الهاربين من حزب الكنبة والمنشقين من الأحزاب الشقيقة. لا داعي للخوف من أقوال المشككين ان من الصمت خيانة فالتهمه طالت الكثير ولم تصب احد فتهمة الصمت لا يعاقب عليها القانون ولا يعزفها القانون فقط يتغنى بها البعض في صمت في نغمة حزينة .

 

فإذا كان الكلام من فضة فالسكوت من ذهب هذا شعار الصامتون الذين ملوا من الحديث بلا جدوى مناقشات ومهاترات ومناورات ولجئوا  إلى حزب الصامتون حيث الهدوء والسكينة وراحة البال "بلا وجع دماغ بلا قرف" ممنوع الكلام في السياسة تعبنا من الكلام والمناظرات والتخوين والاتهامات ولغة المصالح ممنوع مشاهدة التلفزيون او قراءة الصحف او الاستماع للراديو ممنوع فتح الفيس بوك وتويتر وكافة وسائل التواصل الاجتماعي مسموح فقط بفتح الثلاجة  والاستمتاع بما لذ وطاب .

إذا كنت تحتاج فترة للتفكير والتأمل تحتاج فيها إلى وقفة مع النفس أو حين تعجز عن الكلام ولا تجد ما تقوله او حينما تخاف أن  تتكلم فتحسب على حساب طرف دون آخر  فتلزم الصمت كدليل للخضوع أو تصاب بحالة من التخبط بين ما تحلم وتؤمن به وبين ما تعتقد أنه قد يكون الحل والمخرج الوحيد فليس أمامك خيار سوى أن  تصمت وتحمل حلمك إلى الخيال لعلة يتحول لواقع في وقت من الأوقات  فلغة الصمت هي لغتك وحزب الصمت هو مكانك.

 

    ولأن الصمت أحياناً يكون ضجيج يطحن عظام الصامتين لذا فالحزب يهدف إلى الحفاظ على كرامة وحقوق الصامتين ويقوم على الديمقراطية والحرية والمساواة  وأن الصمت حق للجميع .

حق المواطنين في الوقفات الصامتة والتعبير عنها بكافة الوسائل السلمية.

 

الصامتون يحلمون بتغيير العالم بصمتهم فصمتهم أبلغ من كل الكلام ولغة الصمت تفوق أبجدية الحروف ووراء كل صامت حكايات وأسرار مدفونة .

 

 

رشا خطاب

 

عريس المحروسة (3)

        جماعة عم محمد واولادة كانوا نازلين دلع فى ولاد المحروسة وكل يوم والتانى طالعين شايلين ومحملين اكياس وكراتين من كل الخيرات واى حد يشوفوه من ولادها يبقوا عايزين يشيلوه من الارض شيل وبيعرضوا خدماتهم يومياً

فى بيت المحروسة اتجمعوا اولادها عشان يحددوا مين هو العريس اللى يستاهل المحروسة الغالية عليهم واتفقوا انهم طالما مختلفين  كل واحد يكتب اختيارة  واللى يجمع أكبر عدد من الاصوات هو اللى هايكون عريس المحروسة

فى بيت عم محمد جماعتة قالتلة انت لازم تتجوز المحروسة أنا خطبتهالك  وهى بتشاور ولادها عم محمد كان جواة مبسوط من الجوازة دى برضة المحروسة اللى الكل بيجرى وراها بس مكنش مبين عشان الجماعة  وكان بيقول الحمل هايبقى تقيل وانة ما يقدرش يستغنى عن الجماعة وانها كل حياتة ودنيتة  جماعتة قالتلة ومين قال انك هتستغنى عنى الوضع زى ماهو وأنا الأساس  دى جوازة مصلحة لما تخلص هنخلص من المحروسة واولادها المسألة مسألة وقت مش اكتر

فى بيت المحروسة طلعت نتيجة التصويت لصالح عم محمد بفرق صوت واحد عملوا كتب كتاب وفرح ع الضيق وعم محمد وجماعتة واولادة  عملوا فرح كبير هما وحبايبهم واخواتهم  والفرحة كانت كبيرة عم محمد فتح شقتة على شقة المحروسة وفتح صدرة على الحياة الجديدة

فى البداية عم محمد كانت معاملتة حلوة لاولاد المحروسة والمحروسة كانت مبسوطة لكن دوام الحال من المحال الوضع ما استمرش كتير لان ولاد عم محمد برطعوا فى البيت وفى كل مكان يخص المحروسة واولادها ونسوا ان فى ناس تانية عايشة معاهم  استولوا على كل حاجة اى حاجة تقع فى ايديهم تبقى بتاعتهم وعايزين يبعوها  وياريت على كدةوبس

كل يوم تلاقى المحروسة حد من ولادها مضروب اومتصاب وكل ماتيجى تشتكى تلاقى الرد جاهز وهما هايضربوهم لية  دة هما اللى ضربوهم وبعد كدة الموضوع اتطور بلطجية يطلعوا على ولادها يضربوهم ويقلبوهم وتيجى المحروسة تشتكى يقولها شوفى مين اللى مأجرهم تلاقيهم بلطجية  طليقك اللى مأجرهم.

لحد مافى يوم ماتنسهوش المحروسة محمد ابنها ونور عنيها خرج وما رجعش طلبتة عشان تتطمن علية زى ماهى متعودة موبيله  كان مغلق حاولت تطلبة اكتر من مرة والنتيجة واحدة مغلق بدأت تقلق لما التأخير زاد وقلب الام بدأ يتوغوش هى مش متعودة انة يتاخر برة البيت ولو حصل بيقولها انه هيتاخر عشان متقلقش. وكمان لما كلمت اصحابة ماحدش يعرف عنة حاجة . قالت لعم محمد وياريتها ما قالتلة لانة قالها انتى اصلاً ماعرفتيش تربى ولادك تلاقية صايع فى اى حتة مع اى شلة فلتانة مش زى اولادى جماعتى مربيهم كويس  ومطعيين وبيسمعوا الكلام وعمر ماحد منهم ما بيتاخر برة البيت من غير ما يستئذن. قالتلة أنا ولادى متربين أحسن تربية وعمر ما حد منهم أتأخر الا لما بيطمنى بالتليفون او يقولى قبلها أنة هيتأخر أنا قلقانة علية جداً لإن موبيلة مقفول وكلمت اصحابة ماحدش شافة حتى مايلة فى الشغل بيقولوا أنة مجاش النهاردة أكيد حصل لة حاجة لازم نبلغ البوليس.

يتبع

رشا خطاب

لامؤاخذة w.c

        قالوا عنة زمان بيت الادب ،الكنيف وبيت الراحة لان الناس بتدخله عشان ترتاح لكن ممكن كمان تدخله عشان تتعذب من قلة النظافة وممكن تطلع مصاب بامراض معدية عديدة   . ولا داعى للاستغراب اذا وجدت  يافطة كبيرة مكتوب عليها النظافة من الايمان والمكان غير نظيف او يافطة قطرة مياة تساوى حياة والحنفيات فى الداخل كلها بايظه .

فى اماكن كتير مش محتاج تسأل لو سمحت التواليت فين ؟ .......... فقط اتبع انفك .

تقدر تحكم على المكان من نظافة الحمام

* لو فى مطعم قبل ما تاكل  وانت بتغسل ايديك شوف نظافة الحمام لان الحمام مراية للمطبخ اللي هتاكل منه بعد شوية لو بيهتموا بالنظافة اكيد هينعكس على نظافة المكان كلة وهتاكل وانت مطمن .

اما لو لقيتة مش نظيف اخرج من الباب اللي جيت منة  الاذا كان نفسك حلوة وناوى تكمل بعد اللي شوفتة .

* قبل ما تقدم لاولادك فى اي مدرسة يا ريت تزور المدرسة وتحاول تشوف الحمامات اللي اولادك هايستخدموها بعدين

لان المدرسة زى ما المفروض تهتم بالتعليم المفروض تهتم بالنضافة والا النتيجة هتبقى معروفة.

 * لو دخلت مصلحة حكومية لانهاء اي مصلحة جرب تدخل الحمام افتكر مشهد عادل امام فى فيلم الارهاب والكباب وهو بيدور على الموظف عشان يخلص له الاوراق المشهد تجسيد حقيقي  لصورة دورات المياة فى بلدنا .

* لو مسافر اى محافظة مش محتاج تسأل عشان تعرف طريق دورات المياة فى المواقف ده اذا كانت موجودة اصلاً .

الاهتمام بالنظافة  يعكس مستوى تطور البلد ووعى السكان وثقافة المجتمع

الصين من فترة  قررت تعمل أكبر ثورة في تاريخها................

الثورة لتطوير دورات المياه" العامة عشان الحياة أفضل . واحنا عندنا لو دخلت دورات المياة العامة ولقيت الحنفية موجودة بوس ايدك وش وظهر واحمد ربنا على النعمة اللي انت فيها .

رشا خطاب

28/9/2013

هتتخلع يا معلم (5)

انتبهوا ايها السادة جائنا الان مايلى قامت السيدة بسمة برفع دعوى خلع على الاستاذ يوسف فى محكمة الاسرة بعد زواج دام العام واليكم الانباء بالتفصيل بعد سماع هذا الاعلان لا تتعب ولاتحتار احنا معانا القرار اليكم الانباء بالتفصيل كما روتها السيدة بسمة  امام محكمة الاسرة حيث تواجد مندوبنا هناك مندوب قالت السيدة بسمة البية اللى اتجوزتة على انة راجل اعمال طلع دلوعة ماما عواطلى وقاعدلى فى البيت ومش عشان مش لاقى شغل لان فلوس ماما الكتييييييييييييييير ممكن تفتحتلة اى حاجة يشتغل فيها البية بيتباهى باحدث موبيل عربية سبور بدل سنيية احدث اجهزة يشتريها كان نفسى يكون بيتباهى بوظيفة انشالة حتى فراش على الاقل لما حد يسالنى جوزك بيشتغل اية الاقى حاجة اقولها بدل مابا اكمل الكدبة واقول راجل اعمال وجويا بيقول عاطل ياناس واتخدعت فية فى الاول كنتا متجوزين جديد كنت فكراة مش قادر يبعد عنى مش مستحمل انة يسبنى وينزل اتارى البية عاطل ولما اقولة انزل اشتغل يقولى هو انتى ناقصك حاجة اصل نسيت اقولكوا لما فى حاجة بتنقص من البيت واقوله انا محتاجة حاجة يطلب ماما على التليفون الو مامى هاتيلى الحاجة دى وانتى جاية اصل البية ما بيعرفش يشترى حاجة متعود طول عمرة ان ماما تشتريلة اى حاجة حتى لما كان فى المدرسة ولحد ما دخل الجامعة لما يحتاج يشترى حاجة كان بيدى الفلوس لاصحابة وهما يشترولة اللى هو عايزة فى اكتر من كدة اقولة وبعدين هى ماما ربنا يديلها طولة العمر هتعيشلك على طول يرد بكل برود ما انا الوريث الوحيد اقولة خد من التل يختل يقولى انا لو اقعدت اصرف فى فلوسها عمرها ما تخلص غلبت واحتار دليلى لا عجبنى الوضع دة والا عدت قادرة استحمل والا عدت طايقة اشوف وشة فى البيت طول النهار قاعد على الكمبيوتر ياما بيعمل شات يا بيلعب جيم يا فاتح التلفزيون وبيتفرج على الماتشات واللى يغيظ بجد بيتفرج على الماتش والاعادة اقولة ما انا متفرج على الماتش امبارح يقولى اصلى كانت اعصابى مشدودة وماكنتش مركز فى الماتش اقولة ما خلاص عرفت النتيجة يقولى دى متعة نفسى يمتعنى بشغلة حتى لو هيدخل عليا بكيس لب بس احس انها من فلوسة بدل ماهيشلنى  . طب اقولة بص لاصحابك كل واحد عندة شغلانة يرد وهو شغلهم دة بيجبلهم فلوس دول بيستلفوا منى اقصدة انة بيستلفوا منة من الفلوس اللى الست الوالدة مغرقاة بية اصل هما عايشين سفلقة على قفاة. اقولة اصحى بدرى وانزل مع مامتك الشغل ساعدها الشغل كتير عليها روح حتى لو ساعة معاها يمكن لما يروح الحال يعجبة ويتنحرر ويشتغل مفيش فايدة البية بيصحى العصر. اة يانا منة  نفسى احس انى جوزى بيصرف على البيت انا حاسة ان مامتة هى راجل البيت  ولما اكلم طنط اللى هى حماتى تقولى هو انتى ناقصك حاجة ناقصنى ان البية ينزل يشتغل  عايزين ينقطونى الاتنين اخر ما زهقت جيت ارفع دعوة كان نفسى يحضر  ويسمع رأى فية بس للاسف هو لسة نايم

رشا خطاب 

18/5/2013

عريس المحروسة (2)

جماعة عم محمد حست بالخطر الوقت كان قليل وهى كانت بانية خططها ومرتبة وضعها على اخوها التغيير لعم محمد كان صعب لان فرصة مش كبيرة زى باقى العرسان فقررت هى واولاادها انهم ينزلوا بنفسهم ويجمعوا معلومات تفصيلية عن كل العرسان ويلفوا حواليهم ويعرفوا كل حاجة عنهم من البواب والمكوجى و بتاع العيش والخدامة  والسوبر ماركت هما بيشتروا منة اية ويسئلوا عن اصحابهم و اعدائهم ومتشكلين مع مين معلومات تفصيلية ودقيقة جدا  وكل اللى كانوا يعرفوة ينقلوة بطريقتهم لجيران واصحاب المحروسة بعد ما يضيفوا شوية تحابيش تفركش اى جوازة  وتدخل الشك فى الموضوع  ويأكدوا على اللى بيقولوة ان الموضوع سر والا كانى قلتلك حاجة احنا مالناش دعوة والمهم انهم يكونوا بعاد عن الصورة.وطبعا السر مش بيكون فى بير والكلام كان بيوصل للمحروسة اللى بيوصل الكلام كان بيزود شوية تحابيش كمان من عندة
وفضل الوضع على دة الحال لحد ماتبقاش غير عريس واحد  وجماعة عم محمد كانت شايفاة انها تقدر تطفشة بسهولة  .
فراحت للمحروسة ونزلت عليها بالقنبلة وعرضت عليها انها تتجوز سى الاستاذ محمد المحروسة اتخضت من العرض لكن جماعة عم محمد قالتلها احنا ستات زى بعض  وانتى اتظلمتى كتير واحنا شفنا ظلم كتير وعيشنا زيك فى الظلم وعمر اللى اتظلم ما هيظلم سى الاستاذ محمد راجل طيب وشوفى هو بيعاملنا ازاى وهيراعى ربنا فيكى وفى اولادك وولادك هيكونوا اخوات لاولادى  وانا اللى بقولك وبخطبهولك  خدى وقتك وفكرى وردى عليا . بس خدى بالك كلام الناس كتر  والناس ما بترحمش وبدأوا يتكلموا عليكى  ويقولوا من بعد ماخلعت جوزها وهى عاملة مزاد على العرسان ومستحلية الموضوع
المحروسة بعد تفكير قعدت مع ولادها  وقالتهم الوقتى الموضوع طول وانا جمعتكوا النهاردة عشان تقرروا تختار بين الاستاذ محمد والعريس التانى فشوية من ولادها قالوها الاتنين ما ينفعوش لا عم محمد ينفع والا العريس التانى ينفع  عم محمد لابيهش والا بينش وجماعتة هى اللى ممشياة  الكلمة كلمتها والشورة شورتها والعريس التانى زى جوزك الاولانى يبقى عملتى اية هنرجع للقرف والهم تانى وكانك يا بو زيد ماغزيت . شوية  تانيين من ولادها قالولها العريس التانى قوى  ولة هيبة هو اللى يقدر يحافظ عليكى وهو شاف انك خلعتى جوزك الاولانى  واكيد هيحط دة فى حساباتة  .
وشوية من ولاها قالولها  عم محمد هو المناسب راجل طيب وابن حلال وشوفى بيعامل جماعتة ازاى ودة لو معجبكيش سهل تخلعية واخر مجموعة من ولادها  قالولها اللى تشوفية يا ماما  احنا مالناش قول بعد قولك اللى هتوافقى علية احنا موافقين علية  المحروسة احتارت تختار مين وفكرت انها نعمل قرعة واللى هايطلع هيكون هو العريس

يتبع
16- مارس 2013

رشا خطاب   
   

عريس المحروسة (1)

     عم محمد برة راجل طيب وجدع وابن حلال خضنفر وسبع وصوت جهورى بس عيبة الوحيد الجماعة بتاعتة شديدة حباتين مايقدرش يكسر لها كلمة والا يقولها تلت التلاتة كام اللى يشوفة برة البيت مايشوفوش وهو داخل من باب البيت بيتسحب واول ما يدخل يبوس ايد الجماعة والصوت اللى بيرج البيت من نحنحتة وهو داخل تبقى بتسمعة بالقوة وهو بيكلم الجماعة وماتسمعش غير حاضر ونعم وتحت امرك يا ست الكل من يوم ما سكنوا معانا وهما على دى الحال لحد ما المحروسة جارتنا خلعت جوزها وخدت فلوسها ومصانعها وارضها وكل ماتملك اللى كان مستولى عليهم البية جوزها السابق وقالت اربى العيال ولان المحروسة اللى معاها كان كتير طمع فيها ناس كتير . ومن ساعة ما شافت جماعة عم محمد المحروسة وعيالها بعد التغيير اللى حصلهم وهى حطاها فى دماغها وقررت انها تجوزها بعد العدة لحد تبعها عشان ينولها من الحظ جانب ولان المحروسة زى القمر وبالرغم من عيالها الكتير الا انها فضلت محتفظة بشبابها اللى يشوفها يقول بنت العشرين . اولاد المحروسة قالولها ياماما انتى لسة صغيرة ومن حقك تتجوزى كفاية الايام السودة اللى شفتيها واحنا شفناها معاكى احنا شفنا انتى استحملتى عشنا قد اية ومش هنكون انانيين انت لازم تعيشى حياتك من جديد المحروسة اقتنعت بكلام ولادها ولما قالولها احنا هنختار معاكى عريسك المرة دى العرسان بقم طوابير على بيت المحروسة وجماعة عم محمد بقت هتتجنن خايفة للمحروسة تضيع من ايديها ويضيع عليها كل ترتيبها نزلت زينة الرجال اخوها اللى مربيها على ايدة وقالت هو دة اللى هايكتسح كل العرسان لكن ولاد المحروسة بالاجماع قالوا لا لانهم عارفينة وعارفين الاعيبة دة بيلعب من تحت التربيزة ومن فوقيها والا بيهمة حد ويدوس على اى حد ودحلاب وبتاع التلت ورقات . الجماعة اتصدمت لانها مكنتش عاملة حسابها وكانت فاكرة انهم هيوفقوا على طول الوقت كان قليل والمحروسة واولادها بدأوا يفاضلوا بين العرسان جماعة عم محمد قررت ان عم محمد يكون العريس بس تعمل اية عشان تطفش باقى العرسان

 

 يتبع

 

 رشا خطاب

 

 14/3/2013

 

 

هتتخلع يا معلم (4)

لكل من  يحاول  ان يتصور ان يضحك علينا  

لكل من يحاول ان يصعد على دماء الشهداء والثوار

 لكل من يخدعنا بزجاجة زيت وكيس سكر

لكل من يحاول ان يخدعنا بالكلام المعسول

 ويفرشلنا الارض طحينة 

لكل من يقول كلام لايستطيع تحقيقة

 لكل من يتخيل انه يحمل عصا سحرية 

ويصدق نفسة 

هنقولة 

هتتخلع يا معلم

 كما خلع غيرك 

رشا خطاب

16/5/2012

الراجل دة هايجننى

انا خلاص هتجنن من الراجل دة جننى وطلع الجنونة خلاص اعملة اية ياناس ومش قادرة اتكلم وافضفض لانى لما هتكلم ستين لسان بيطلعولى ويقولى انتى بتتبترى على النعمة حد لاقى يتجوز والا فى حد بيتجوز مش هو دة محمد اللى كنتى هتموتى وتتجوزية وطول ايام الخطوبة محمد عمل محمد سوى هو اية اللى جرى ياناس يا عالم انا خلاص هطق حاسة بملل فظيع اعمل فى اية البية اللى متجوزاة هو اى نعم طيب وحنين وبيحبنى وفى صفات كتير حلوة بس فى حاجة هى اللى مجنانى تقدروا تقولوا علية كائن بيتوتى جدا من البيت للشغل ومن الشغل للبيت مابيحبش يخرج خالص اقولة انا عايزة اخرج اتفسح يقولى لية اقولة اغير وشوش اشوف ناس ماشية نزور قرايبنا المهم نخرج من البيت يقولى هو لازم نخرج علشان نشوف الناس تعالى نقف فى البلكونة وهانشوف الناس ماشية فى الشارع طب ما نعمل زيهم يرد ويقول مانا كنت فى الشغل وزهقان من الناس ياعم انا مش زهقانة انا طول النهار بعد فى حيطان الشقة واحنا لاعندنا عيل والا تيل علشان اتلهى فية بلاش نخرج نتفسح تعال نزور قرايبنا تعالى نزور مامتك وبابك بلاش ماما وبابا علشان ماتتحججش يعنى كل الفيلم دة علشان تشوفى بابا وماما هخليكى تشوفيهم وتشوفى مامتك وبابكى كمان هو انا عندى اغلى منك دخلت لبست تايير شيك علشان الخروجة الاقية لسة ماغيرش هدومة يابنى يالا علشان نخرج يرد عليا بكل برود ومين قالك اننا هنخرج امال انا دخلت البس لية قالى براحتك براحتى اية انت مش قلت اننا هنزور ماما وبابا ومامتك وباباك انا مقلتلكيش هنزور انا قلت هتشوفى يالهوووووووووووووووووووووووووووى اوعى تكون ناوى تطلعى صورهم وتقولى شوفيهم الاقى بيقولى لا يا حياتى انا اقدر احس ان فى حاجة ناقصاكى وانت معايا والا يكون نفسك فى حاجة معملهاش انا طلبتهم وعزمتهم على العشا معانا النهاردة جيت على نفسى وقلت مش مشكلة كفاية الكلمتين الحلوين دول اهو هاشوفهم وخلاص وبلاها الخروجة .
قلت افكرة بايام الخطوبة يوم ماخرجنا على الكورنيش واكلنا ذرة وترمس وياريتنى ما فكرتة انا اللى جبتة لنفسى تانى يوم لقيتة داخل عليا بسميط وبيض وجبنة وترمس وذرة وخد الشواية وقعد يشوى الذرة فى البلكونة قال اية علشان يكون الذرة سخن كان ناقص يجبلى الكورنيش بالمرة اقولة انا مش عايزة كل الحاجات دى انا عايزة اخرج يقولى هو فى حاجة ناقصة نسيت الحاجة الساقعة هطلب السوبر ماركت حالاً يبعتولنا حاجة ساقعة مرارتى تتفقع والضغط يعلى عليا وانا لسة فى عز شبابى وخايفة يجبلى جلطة من عمايلة اسكت واعديها.
لكن كلة كوم والى عملة دة كوم بقالى كام يوم عمالة ازن علية نخرج ناكل برة انشالة فول وطعمية بس اخرج بجد زهقت لقيتة الصبح وهو رايح الشغل قالى متعمليش غدا النهاردة هناكل برة هيهههههههههههههه اخيرا هخرج ويتفك حبسى من الساعة واحدة الظهر وانا بلبس واجهز فى نفسى الاقية جاى وجايبلى الاكل معاة احنا مش هنخرج ناكل برة لا ياحبيتى هناكل برة فى البلكونة اصوت والا اعمل اية انا مش عايزة اكل برة انا عايزة اخرج من الاربع جدران دول انا مابحبش الاكل بتاع المطاعم اصلاً بس اعمل اية اى حاجة تخرجنى انط من البلكونة واخلص والا ازقة واخلص منة ومن عمايلة والا اعمل اية
الو السوبر ماركت
لوسمحت عايزة اكياس بلاستيك وساطور حامى

تأليف
رشا خطاب
22/10/2008

اجتماع عائلى

يوم الخميس من كل اسبوع هو اليوم اللى بنتجمع فية كلنا واليومين دول قرروا اننا نجتمع فى النادى علشان نهرب من القعدة فى البيت فى الجو الحر دة لكن حرارة الجو بتكون احيانا ارحم من  القعدة اللى بنقعدها علشان بيكون الواحد مضروب بالجزمة علشان يحضرها وبيحاول يزوغ منها باى شكل لكن هيهات دايما بتفشل المحاولات فى الزوغان وبيضطر الواحد انه يروح والجزمة فوق رقابتة  اوامر عليا نعمل اية بس الخميس دة كان شكل القعدة مختلف الكل جاى سانن سكاكينة للتانى والا كاننا داخلين حرب العالمية التالتة كل واحد مجهز اسلحتة ومستعد للهجوم فى اى لحظة والسبب ان الخميس اللى فات القعدة كالمعتاد كان دمها يلطش بس حصل فيها هجوم مجموعات على بعض فى البداية كانت واخدة شكل الهزار فكان الكل بيعدى المواضيع لبعض لكن الموضوع تطور لتريقة جامدة والموضوع قلب غامق بعد شوية بدأت ندى وتسنيم بالتريقة على موبيل هبه الجديد من عينة اية الموبيل البيئة اللى انت شايلاة فى حد لسة بيشيل الحاجات دى اللى يجدد ليجيب احدث موبيل يا يدارى اللى معاة بالرغم ان موبيل هبة مش وحش للدرجة دى واحدث من موبيلات ندى وتسنيم  الا ان الاتنين تقولوش اجتمعوا على تكريها فى الموبيل  كلنا كنا بنبص لبعض ومستغربين الوضوع وبنحاول ندخل فى الموضوع الموضوع مش مستاهل وهبة ردت عليهم الموبيل عاجبنى وانا اللى مختاراة وحباة واللى مش عجبة يخبط دماغة فى الحيط هو حد كان دافعلى فلوسة اللى عايز يغير يبقى يغير موبيلة ، الكل ادخل وصلوا بينا على النبى يا جماعة وغيروا الموضوع مين فتح سيرة الموبيلات دى وجلبلنا الوش فى دماغنا  احنا جايين نتقابل والا جايين نتخانق شوية وسارة داخلة علينا وعاملة نيولوك قصة جديدة شكلها كان روعة كل اللى يشوفها يقولها اية الجمال دة ياسارة بجد النيولوك دة حلو انت عاملة شعرك فين وياريتها ما جت وقعدت القعدة دى وسطينا لان بمجرد دخولها شباب العائلة ابدوا اعجبهم بالنيولوك الجديد ودا طبعا ماعجبش البعض من القعدين وعيشى حياتك يا سارة مع دش التريقة اللى اتفتح عليكى اة يابنتى اللى عاملتية فى شعرك انت روحتى عند حلاق حمير كنت وفرتى الفلوس اللى عاملتى شعرك بيها وكنت عاملتلك انا احسن انا بقص لبناتى شعرهم وبعملة والا احسن كوافير دى كانت طنط رودى لما اتدخلت فى الحوار ولما ادخلت طنط مايسة علشان تدافع عن سارة بنتها كان الهجوم عليها شديد وكانت البداية مع طنط منى اللى قالتلها انت اللى مدلعها ماحدش من ولادنا بيصرف زى سارة هى تروح عند كوافير كبير لية وتعمل شعرها عندة وطنط مايسة طبعاً اتضايقت هما مسكين بنتى لية هما مالهم ومالها وقعدت تدافع عن سارة  وماما اتدخلت فى الموضوع هى كمان اصل انا اللى معرفة سارة على الكوافير علشان بتعامل معاة وتدخلت طنط ثناء معاها فى محاولة علشان تهدى الوضع و قبل ما تحصل مشكلة عائلية ويبوظ اليوم قال يعنى مش بايظ هو اية اللى جابك ياسارة كنت فضلتى مع اصحابك احسن ويبدوا ان قعدة الشباب ماكنتش احسن مننا حالاً القعدة بدات بالكورة ولكم ان تتخيلوا اية اللى حصل فيها طالما ان اللى قعدين نصهم اهلاوى والنص التانى زملكاوى والموضوع لما اتنقل على اللبس كان واخد فى البداية هزار ممكن يتعدى لما قالوا لنادر انت جاى ببلوزة مها هو انتوا عندكوا غسيل النهاردة وطبعا حسام وزوبة عربيتة اللى كل شوية محتاجة زقة مش هتعدى بالساهل بالرغم ان حسام هياخد منهم معاة  فى طريقة يوصلهم  ولسان حاله بيقول حمارتك العرجة تغنيك عن سؤال اللئيم ودى كانت عينة من اللى حصل الخميس اللى فات واللى طول الاسبوع كانت النميمة شغالة عليها لكن كانت المفاجاة يوم الخميس لما دخلت سارة وحكتلنا اللى حصل وعلى التليفونات اللى جاتلها لما طنط رودى اتصلت بيها بتسالها عن عنوان حلاق الحمير قصدى الكوافير اللى راحتلة اصل تسنيم وندى عايزين يروحوة الوقتى بقى حلو الكوافير مش كان حلاق حمير المهم سارة اعطتهم العنوان وهنعرف اية اللى حصل لما ييجوا وكانت المكالمة التانية من طنط منى اللى كانت بتدلعها وعايزة ساسو( سارة )  تاخد دعاء مها الكوافير المرة الجاية مش هو دى ساسو المدلعة اللى ماحدش من ولادهم بيصرف زيها 

يتبع 

  بقلم 

رشا خطاب 

4/8/2008     

قناة طلاق تى فى

اول قناة فضائية عربية

متخصصة فى الطلاق

طلاق تى فى

شعارنا هو يا رايح كتر من الفضايح

مع طلاق تى فى كون النجم

واعرض حفل طلاقك على الهواء مباشرة

مع طلاق بارتى

تابع احدث كروت الطلاق

احدث التورتات التى

صنعت خصيصاً للمناسبة

فستان الطلاق لابد ان يكون مميز

معنا تعرفى على

احدث فساتين الطلاق

وبدلة الطلاق

لابد ان تكون مميزة

كل هذا واكثر

وكل ماهو جديد

تابعوا فى اخر موضة

سنة اولى طلاق

D J واحدث اغانى الهجر والفراق والخيانة

وهرشة السنة السابعة

sms

لاجدد الرسائل النصية

والرسائل المصورة ورسائل الوسائط

والمزيد من البرامج تابعونا

على طلاق تى فى

رشا خطاب

9/3/2008

اياد واروى

امبارح قررت ان انزل انا وصحابى نتفسح و نلف على المحلات شوية اصلى عقبال عندكوا باجهز وبنزل كل يوم علشان اكمل اللى ناقص فى الشقة وكالعادة خلصت الفلوس قبل ما اخلص شرا وبما انى كنت قريبة من عيادة اخويا والاخوات لبعضيهم قلت اطب علية فى العيادة و اخد منة فلوس واكمل شرا طلعت وخير الله ما اجعلة خير العيادة لقيتها مالينة على الاخر ما شاء الله علشان مايقولش عليا باحسدة والا حاجة ويطنش على الفلوس ويقلبنى قلت خلاص شكلة قابض النهاردة و مية مية ومش هيأخر على اختة حبيبتة حاجة دخلت والممرضة كانت مشغولة مع الزبانين وما اخدتش بالها منى قلت اقعد استنى لما يخلص الكشف اللى عندة واخد الفلوس وامشى المهم قعدت مع الناس اللى قاعدين وابص حواليا اللاقى خير اللهم ما اجعلة خير بنات قمرات كتير قلت يابت طنشى جايز تعبانين والا حاجة هو المرض بيميز بين بنت وولد ابص حواليا الاقى المكياج زيادة هو فى حفلة فى العيادة وانا ماعرفش وعيد ميلاد اياد لسة بدرى علية وعيد ميلادى كمان اسبوع وكمان كمية البرفانات الموجودة غطت على ريحة البنج اللى بيخنقنى اصل كل يوم لازم اتخانق معاة بسبب ريحة البنج بيرجع وهدومة مليانة بنج وقالبلنا البيت مستشفى يا بنى ارحمنا مفيش فايدة المهم قلت اما اشوف الحكاية قعدت اسمع كلام الموجودين وسمعت اسمى من وسط الكلام لقيت واحدة بتقول هو مالوش غير اخت واحدة اسمها اروى اصغر منة بسنة مخطوبة قريب و بكرة تتزحلق من البيت ويبقى هو اللى فية هو وعروستة انا ما اعرفش الناس دى عايزين يزحلقونى لية ركزت فى الكلام تانى لقيت الكلام علينا دول بيتكلموا عنى وعن ماما وبابا وعن اياد وبيتكلموا عن شقة اياد اللى لسة هاتتشطب طب هما عرفوا منين دى ماما لسة كانت بتتكلم امبارح مع بابا عن تشطيبات الشقة هى اخبارنا بتتسرب للدرجة دى لقيت الموضوع كبير طلبت اصحابى وقلتلهم هاتاخر عليكوا شوية انا قاعدة هنا لحد ما اعرف فى اية وطلبت ماما وقلتلها انا عند اياد فى العيادة واحتمال اروح معاة علشان ماتقلقش عارفين الامهات . قلت انا هاتعرف على الناس اللى قعدين لقيت بنات فى سنى قلت اما اقعد معاهم والكلام اكيد هيجيب بعضة واشوف اللى فى دماغى صح والا اية الموضوع انا حاسة ان فى إن فى الموضوع عملت فيها عبيطة وباسالهم عن اياد الكل بص على ايدى ونظرة ارتياح بانت على الوشوش اول ما شافوا الدبلة فى ايدى مفيش منى خطر الظاهر مش منافس جديد قالولى القمر اللى جوة دا دكتور زى العسل امور ولذيذ وشاطر انا تنحت اخويا بيتعاكس قدامى وبعد شوية يمكن يطلبوا ايدة منى لو عرفوا انى اختة وماقلكوش على كريزة الضحك اللى جاتلى واللى كتمتها بالقوة اصل عارفة لو ضحكت اية اللى ها يحصل هو الدكتور شاطر الحق يتقال مش علشان اخويا الكل شكر فية بس مش لدرجة الوصف اللى بيوصفوة المهم قمت اشوف سميحة الممرضة واشوف الحكاية دى بقالها كتيير بقولها اية حنفية البنات اللى ضربت فى العيادة هو دة كل يوم والا النهاردة بس قالتلى مش عايزين تفرحوا بالدكتور قريب قولتلها ان شاء الله هو عندك عروسة لة اصل العرايس كتيير اليومين دوول اياد كان خلص الكشف ودخلتلة وياريتنى ما دخلت بعد دة كلة مارضاش يدينى فلوس قال الاخوات لبعضيهم وخرجت من عندة بعد ما قلبنى
وانا خارجة قابلت بنوتة بتسالنى هو الدكتور دة تخصص اية ؟

رشا خطاب
15/02/2008

أنا عايزة أتجوز

(1) نوسة وعمر

نوسة :ماليش دعوة انا عايزة اتجوز عمر انا بحبة وهو بيحبنى واتفقنا على كل حاجة
اشمعنى انا اللى ما اتجوزش ما هى ماهى بنت طنط درية اتجوزت الاسبوع اللى فات من من د. تامر وعملوا فرح كبير واهم طلعوا شهر العسل فى تايلاند مليش دعوة انا عايزة اروح تايلاند انا وعمر .
ابو نوسة : مين بتقولى اية
نوسة: بقولك عايزة اتجوز عمر واسافر تايلاند اشمعنى أنا أنا وهو اتفقنا على الجواز وهو بيكلم مامتة وباباة دلوقتى هو لسة مكلمنى من شوية وقال انة هيكلمهم
ابو نوسة : واية كمان يا نوسة
نوسة : هو هيجيب لى فستان ابيض احلى من بتاع فافى بنت طنط منيرة اللى ماما كان عجبها وكانت بتقول انة احلى من الفستان اللى جبتهولها فى الفرح واللى كنت مستخسر تدفع فية الفلوس
ابو نوسة : مين قالك الكلام دة
نوسة : ماما وهى بتكلم تيتة قالتلها الكلام دة وقالت انت كنت مستخسر تدفع تمن الفستان انت وتيتة لية ؟ وانت بتهرب من الموضوع لية عمر يجى امتى علشان يطلب ايدى
ابو نوسة : الشمال والا اليمين
نوسة : هى هتفرق
ابونوسة : هو مين عمر دة وعرفتية ازاى
نوسة عمر دة زميلى واكبر منى باربع شهور بس علشان ماتقوليش فى فرق سن وهنجوز ونكمل سوا انت عايزنى اعنس انا عايزة افرح بولادى ويكبروا وانا لسة صغيرة
ابو نوسة : يا سلام انت بتجيبى الكلام دة منين
نوسة : بجيبة من بقى هو عمر عيبة اية باباة ومامتة اشتروا الشقة خلاص مش ناقص غير اننا نروح نشترى العفش
ابونوسة : كمان اشتروا الشقة من الوقتى
نوسة : يا سلام مش بيجهزوا لابنهم زى ما ماما بتجهزلى
ابو نوسة : هى امك بتجهز لك
نوسة : اة ماما بدأت تجهزلى من دلوقتى انا سمعاها وهى بتقول لتيتة الكلام دة وجابت طقم صينى امبارح وعاينة عن تيتة .
ابو نوسة : الله الله اشجينى يا نوسة
نوسة : سيبك من ماما دلوقت اقول لعمر يجى امتى
موبيل نوسة بيرن وتدخل البلكونة
نوسة : ايوة ياعمر انا بقول لبابا دلوقتى ومش راضى يقولى تيجوا امتى هما قالولك هيجوا امتى
عمر : ماحدش راضى يرد عليا ومسخسخين على نفسهم من الضحك .
نوسة : هما شكلهم مش عايزين يجوزونا
عمر : خلاص نتجوز عرفى فى الفسحة واصحبنا هما الشهود .
نوسة خلاص انا هاجيب الفستان الابيض اللى ماما كانت جايبهولى فى فرح طنط منى والبسة هناك
عمر : وانا هجيب البدلة الجديدة اللى بابا جابهالى .



ملحوظة نوسة عندها اربع سنين وعمر عندة اربع سنين واربع شهور

عقبال عندكوا اتجوزوا فى الفسحة والمهر كان مصروف عمر وباكوا شكولاتة ووزعوا على اصحابهم مصاصة .

رشا خطاب
5/ 11/ 2007

خلع بارتى

الطرف الأول : الو هاى ازيك اخبارك ايه احنا النهاردة عاملين بارتى كبير وعازمينك علية ياريت تيجى من بدرى علشان فية سيربرايز كتييييير

الطرف الثانى : مين عامل البارتى ومين دوول اللى عازمنى وبمناسبة ايه

الطرف الاول: بليز اسمعينى اكمل كلامى

الطرف الثانى :كملى ياستى كلى اذان صاغية

الطرف الاول انا وستة من اصحابى عامليين بارتى كبير وعازمين كل الفريندز بتوعنا على البارتى

الطرف الثانى :عرفنا انكوا عامليين حفلة بس بمناسبة ايه

االطرف الاول : بليز ليسن تو مى انت عارفة انى اتجوزت الصيف اللى فات من شاب اتعرفت علية على النت واتقابلنا وحبينا بعض واتجوزنا

الطرف الثانى : اة انا فاكرة ربنا يهنيكوا ببعض انا فاكرة فراحكوا كويس نص مطربين البلد ورقاصاتها حييوة وناس كتييير من الشخصيات العامة حضروا هى البارتى بمناسبة عيد جوازكوا

الطرف الاول :لالا انا خلعتة خلاص وعاملة خلع بارتى انا وصحابى اصلهم خلعوا خلاص وناويين يشاركونى البارتى

الطرف الثانى : ليه هو طلع بخيل والا طلع عينة زايغة

الطرف الاول : ياريت

الطرف الثانى : امال طلع اية

الطرف الاول : الغشاش النصاب طلع خريج جامعة حكومى وضحك عليا وخدعنى ومقاليش انة متخرج مع العيال البيئة من جامعة حكومي
الطرف الثانى : وفيها ايه لما يكون خريج جامعة حكومى مش فاهمة وجهه نظر سيادتك فى الموضوع

الطرف الأول : اكتشفت بعد الجواز ان طريقنا مش واحد بينا فروقات كتيير وخلافات علمية وفكرية

الطرف الثانى :بس الخلافات العلمية والفكرية بتيجى لما بيكون المستوى الثقافى مختلف والثقافة عمرها ما كان لها علاقة بنوع الجامعة والا مكانها وانت و جوزك على نفس المستوى التعليمى

الطرف الأول : لا انت فاكرة انة علشان معاة شهادة معلقها على الحيطة وفخور بيها انة كدة هيكون على نفس مستوايا الفرق كبيير بينا

الطرف الثانى :بس دى ممكن خلافات بتحصل فى أول سنة جواز ومتعارف عليها بين الناس

الطرف الأول : نو واى انى كنت اكمل معاة دة مش من مستوايا ودى غلطتى من البداية انى ارتبط بخريج جامعة حكومى

الطرف الثانى : طب انا عرفت انتى خلعتية لية امال الخمسة الباقيين خلعوا لية ماهى دى المفاجأة نفس السبب احنا قررنا نخلع ان سايم تايم

الطرف الأول : طب اصحابك متجوزين من امتى الطرف الثانى : فى منهم متجوز من اربع شهور وفى ناس تانية من اربع سنيين فى الرينج دة

متتأخريش اوكى باى 

رشا خطاب

هتتخلع يا معلم 3

هتتخلع يامعلم

يعنى هاتتخلع يامعلم

بالذوق بالعافية بالشاكوش والا بالكماشة

هتتخلع هتتخلع

عايز تعرف هاتتخلع لية مزاجى وانا حرة فية

حد عندة مانع

مش عارف هاتتخلع لية

انا عارفة انك بتتكلم انجليزى لبلب

وممكن تكلمنى انجليزى انا والعيلة والصحاب

وتعملى عيد ميلاد تكلم فية صاحبى بالانجليزى

ما انت غاوى منظرة

بس قديمة بقت دى مودية راحت عليها

طيب هاتتخلع لية كل دة ومش عارف

صحيح احنا كتبنا الكتاب ولسة الفرح ماتمش مش مشكلة

وصحيح ان العفش لسة فى بيتنا ماوديتهوش الشقة

ومش هاودية

اصلك يا جميل هتتخلع علشان الشقة

سمعنى بتقول اية ما سمعتش على صوتك

كمان كمان شوية

اية مالها الشقة دى مالها ومالها ومالها واتقلب حالها

انا اتجوز فى الشقة دى

دى بيئة .................................... ( كلمة روشة طحن ) تعنى مش قد المقام

الوانها مش ستايل الوان من المتحف

وكمان العفش مش سينية وذوقة بلدى جداااااااااااااااااااااا

حد يا راجل يجيب انترية لونة فوشيا لعروسة

وتقولى دى احدث موضة

كنت جبت كنبتين اسيوطى

وكمان متاخدش راى فى العفش

مش دة المفروض عفشى

وكمان مش عايز تغير العفش

وبتشترى على ذوقك انت

اذا كنت بتعمل كدة قبل ما الجوازة تتم

بكرة هتعمل اية ياغدار ................. تنفع اغنية لهيفا

روح وانت مخلوع 

مخلوع ولا انت على بالى وانت اكيد دارى

انك اكيد مخلوع تنفع لتامر حسنى

كان هذا هو نص المكالمة الاخيرة

بين العروسة وزوجها المخلوع

نلتقى بعد الخلع

رشا خطاب

7 مارس 2007

برغوتة تغير اسمها إلى ........

اقدم لكم احدث صيحات الموضة

بعد ان اصبح الخلع دى مودية

مش موضة

راحت عليك يامعلم

الموضة اليومين دول تغيير الاسامى

كل واحد يغير اسمة

برغوتة بتدور على اسم جديد

عايزين تعرفوا لية

ما انا طول عمرى راضية باسمى

قلت اطقس واشوف الستات والرجالة بيغيروا فى اساميهم لية

اية الحكايا

ومطلوش عليكوا

لأ قولوا طولى

اتارى عفركوش بن برتوش هو السبب

طلع عليهم فى قناة فضائية

قالهم ان اساميهم "حار" على صاحبه

يعنى ما بيجبش الحظ

وكمان علشان الواد حنتوش النصاب يختار الاسم

اللى بيجلب الحظ بياخد 100 دولار

علشان يختار الاسم

ويكلموة فى البرنامج

يا حليلة يا حليلة

وقال اية مش عاجبة ايمان وفاتن ونسرين ولمياء

وعجبة اسم حنتوش

وكمان طالع يقول

وأن اسم الأم والابنة ما يتطابقش مع حسن الحظ

صحيح حنتوش مبخت

طلعوة فى قناة فضائيية

وعاملين لة برنامج يومى

ويقولوا العالم الخبير الفلكى

ماحدش معاة جوز جذم قديمة

اخبط التلفزيون يمكن يتعدل

قال اغير برغوتة قال

رشا خطاب

هاتتخلع يا معلم (4)

هتتخلع يامعلم

 يعنى هاتتخلع يامعلم

بالذوق بالعافية

 بالشاكوش والا بالكماشة

هتتخلع هتتخلع

عايز تعرف هاتتخلع لية

مزاجى وانا حرة فية

حد عندة مانع

مش عارف هاتتخلع لية

انا عارفة انك بتتكلم انجليزى لبلب

وممكن تكلمنى انجليزى انا والعيلة والصحاب

وتعملى عيد ميلاد تكلم فية صاحبى بالانجليزى

ما انت غاوى منظرة

بس قديمة

بقت دى مودية

راحت عليها

طيب هاتتخلع لية كل دة ومش عارف

صحيح احنا كتبنا الكتاب ولسة الفرح ماتمش

مش مشكلة

وصحيح ان العفش لسة فى بيتنا ماوديتهوش الشقة

ومش هاودية

اصلك يا جميل هتتخلع علشان الشقة سمعنى بتقول اية ما سمعتش على صوتك كمان كمان شوية اية مالها الشقة دى مالها ومالها ومالها واتقلب حالها انا اتجوز فى الشقة دى دى بيئة .................................... ( كلمة روشة طحن ) تعنى مش قد المقام الوانها مش ستايل الوان من المتحف وكمان العفش مش سينية وذوقة بلدى جداااااااااااااااااااااا حد يا راجل يجيب انترية لونة فوشيا لعروسة

وتقولى دى احدث موضة كنت جبت كنبتين اسيوطى وكمان متاخدش راى فى العفش مش دة المفروض عفشىوكمان مش عايز تغير العفش وبتشترى على ذوقك انت اذا كنت بتعمل كدة قبل ما الجوازة تتم بكرة هتعمل اية ياغدار ................. تنفع اغنية لهيفا روح وانت مخلوعمخلوع ولا انت على بالى وانت اكيد دارى انك اكيد مخلوع تنفع لتامر حسنى كان هذا هو نص المكالمة الاخيرة بين العروسة وزوجها المخلوع نلتقى بعد الخلع

رشا خطاب 

 7 مارس 2007

قناة برغوتة الفضائية

ازف اليكم هذا الخبر الهام

ايوة هام

انطلاقا من الانفتاح على السماوات المفتوحة

والعالم قرية صغيرة

وفى عصر الفضائيات المفتوحة

تطل عليكم قناة برغوتة الفضائية

اشمعنى انا

ما هو كل واحد عندة قرشين

بيعمل قناة فضائية

ومتسالوش هاذيع اية

حسب الموضة هاعمل

ماهى فى الغالب

هتكون انضمام لحنفية قنوات الاغانى المفتوحة

اصل مكسبها كتير

واعمل شوية برامج

اعمل فيها برنامج مسابقات

وجوايزة فلوس كتيير متعدش

1000000جنية والا دولار والا ريال

يعنى حد هاياخدهم

ابقى قابلنى

واعمل سؤال يدوخ الناس

هو عين الحرباية لونها اية

والناس تتصل تسجل اساميها وبعدين 

ابقى اطلب كام نمرة منهم على الهوا

والا هايعرف يجاوب اقطع علية الخط

واقول زى ما بيقولوا للاسف الخط اتقطع ياريت تكلمنا تانى

واعمل خط للشات

دى مضمون مكاسبة

شوية رسايل تجنن انا حلموس ممكن نتعرف

والا الاجمد وقنبلة القناة

تعال نتعرف على التوافق

يعنى كل اتنين يبعتوا اساميهم واحنا هنقولهم اذا كانوا مناسبين للبعض

يعنى يكملوا والا يفضوها سيرة ويفركشوا الجوازة

واعمل برنامج اجيب فية كام عراف

بيقروا الفنجان وابى ازين اباى اوشوش الودع

ومتقولويش يقروها ازاى هتحط الفنجان فى السماعة وهو هيقراها

واجيب خبير فلكى يعمل برنامج

يقولى انت تراب والا مية

وبرج التور مع الميزان

واجيب كمان مشعوذ يعمل اعمال

على الهوا ويقولك مين عاملك عمل

ومشبشبلك

ويوقع العيلات فى بعض

والاصحاب فى بعض

علشان يكسب والقناة تكسب

واعمل تصويت كمان بين الدول

مين الافضل

وكل واحد يدخل يصوت

وهاعمل برنامج كمان للاصوات الوحشة

تجديد اى واحد

عايز تحفنا ويغنى يجى ويغنى

بس يدفع الاول

ومحدش يسألنى هاتجيبى التمويل لكل البرامج دى منين

البركة فى ماما امريكا 

ربنا يخليها للغلابة

هتساعدنى

والقناة هتلاقوها على

على القمر : اللى ما يتسماش

التردد : 000000

معدل الترميز : اونطة / بكش

معامل التصحيح : مالوش لزوووووووووم

الاستقطاب : على كل لون يا باتستة

وعلى فكرة مطلوب مذيعين بنصف لسان

ومعدين خبرة فى اعداد البرامج الهايفة باجور مغرية

رشا خطاب

هتتخلع يا معلم (2 )

يوم بعد يوم بتجينا موضات اشكال والوان

تبقى جديدة وبعد ساعات تبقى دى مودية

والموضة اللى ماشية اليومين دول هى الخلع

وبالذوق بالعافية هتتخلع يا معلم

واحدث صيحة فى عالم الخلع

العروسة شابة صغيرة عندها 100 سنة

والعريس شاب يا ولداة

اكبر منها مش بكتير بخمس سنين بس 105 سنة

والمشكلة بينهم مش سببها فرق السن

علشان ماتقولوش ان فرق السن دا هو اللى عامل المشكلة

المشكلة اللى طلبت على اساسها العروشة قصدى العروسة الخلع

ان جوزها عينة زايغة بعد شوية سنين صغننة

تعدوا اليوبيل الماسى من الجواز

جوزها كل يوم تلاقية بيكلم البنات الصغننين

ويهزر معاهم

قالت لة اكتر من مرة مايتكلمش مع اى واحدة ست برة البيت لانها بتغير علية

وهو ما سمعش الكلام غلطانة الست

والا عداها العيب

راحت رفعت دعوة الخلع علية

الاولاد والاحفاد واولاد الاحفاد يحاولوا

يا جدو يا تيتة

مفيش فايدة

رشا خطاب