قناة طلاق تى فى

اول قناة فضائية عربية

متخصصة فى الطلاق

طلاق تى فى

شعارنا هو يا رايح كتر من الفضايح

مع طلاق تى فى كون النجم

واعرض حفل طلاقك على الهواء مباشرة

مع طلاق بارتى

تابع احدث كروت الطلاق

احدث التورتات التى

صنعت خصيصاً للمناسبة

فستان الطلاق لابد ان يكون مميز

معنا تعرفى على

احدث فساتين الطلاق

وبدلة الطلاق

لابد ان تكون مميزة

كل هذا واكثر

وكل ماهو جديد

تابعوا فى اخر موضة

سنة اولى طلاق

D J واحدث اغانى الهجر والفراق والخيانة

وهرشة السنة السابعة

sms

لاجدد الرسائل النصية

والرسائل المصورة ورسائل الوسائط

والمزيد من البرامج تابعونا

على طلاق تى فى

رشا خطاب

9/3/2008

اياد واروى

امبارح قررت ان انزل انا وصحابى نتفسح و نلف على المحلات شوية اصلى عقبال عندكوا باجهز وبنزل كل يوم علشان اكمل اللى ناقص فى الشقة وكالعادة خلصت الفلوس قبل ما اخلص شرا وبما انى كنت قريبة من عيادة اخويا والاخوات لبعضيهم قلت اطب علية فى العيادة و اخد منة فلوس واكمل شرا طلعت وخير الله ما اجعلة خير العيادة لقيتها مالينة على الاخر ما شاء الله علشان مايقولش عليا باحسدة والا حاجة ويطنش على الفلوس ويقلبنى قلت خلاص شكلة قابض النهاردة و مية مية ومش هيأخر على اختة حبيبتة حاجة دخلت والممرضة كانت مشغولة مع الزبانين وما اخدتش بالها منى قلت اقعد استنى لما يخلص الكشف اللى عندة واخد الفلوس وامشى المهم قعدت مع الناس اللى قاعدين وابص حواليا اللاقى خير اللهم ما اجعلة خير بنات قمرات كتير قلت يابت طنشى جايز تعبانين والا حاجة هو المرض بيميز بين بنت وولد ابص حواليا الاقى المكياج زيادة هو فى حفلة فى العيادة وانا ماعرفش وعيد ميلاد اياد لسة بدرى علية وعيد ميلادى كمان اسبوع وكمان كمية البرفانات الموجودة غطت على ريحة البنج اللى بيخنقنى اصل كل يوم لازم اتخانق معاة بسبب ريحة البنج بيرجع وهدومة مليانة بنج وقالبلنا البيت مستشفى يا بنى ارحمنا مفيش فايدة المهم قلت اما اشوف الحكاية قعدت اسمع كلام الموجودين وسمعت اسمى من وسط الكلام لقيت واحدة بتقول هو مالوش غير اخت واحدة اسمها اروى اصغر منة بسنة مخطوبة قريب و بكرة تتزحلق من البيت ويبقى هو اللى فية هو وعروستة انا ما اعرفش الناس دى عايزين يزحلقونى لية ركزت فى الكلام تانى لقيت الكلام علينا دول بيتكلموا عنى وعن ماما وبابا وعن اياد وبيتكلموا عن شقة اياد اللى لسة هاتتشطب طب هما عرفوا منين دى ماما لسة كانت بتتكلم امبارح مع بابا عن تشطيبات الشقة هى اخبارنا بتتسرب للدرجة دى لقيت الموضوع كبير طلبت اصحابى وقلتلهم هاتاخر عليكوا شوية انا قاعدة هنا لحد ما اعرف فى اية وطلبت ماما وقلتلها انا عند اياد فى العيادة واحتمال اروح معاة علشان ماتقلقش عارفين الامهات . قلت انا هاتعرف على الناس اللى قعدين لقيت بنات فى سنى قلت اما اقعد معاهم والكلام اكيد هيجيب بعضة واشوف اللى فى دماغى صح والا اية الموضوع انا حاسة ان فى إن فى الموضوع عملت فيها عبيطة وباسالهم عن اياد الكل بص على ايدى ونظرة ارتياح بانت على الوشوش اول ما شافوا الدبلة فى ايدى مفيش منى خطر الظاهر مش منافس جديد قالولى القمر اللى جوة دا دكتور زى العسل امور ولذيذ وشاطر انا تنحت اخويا بيتعاكس قدامى وبعد شوية يمكن يطلبوا ايدة منى لو عرفوا انى اختة وماقلكوش على كريزة الضحك اللى جاتلى واللى كتمتها بالقوة اصل عارفة لو ضحكت اية اللى ها يحصل هو الدكتور شاطر الحق يتقال مش علشان اخويا الكل شكر فية بس مش لدرجة الوصف اللى بيوصفوة المهم قمت اشوف سميحة الممرضة واشوف الحكاية دى بقالها كتيير بقولها اية حنفية البنات اللى ضربت فى العيادة هو دة كل يوم والا النهاردة بس قالتلى مش عايزين تفرحوا بالدكتور قريب قولتلها ان شاء الله هو عندك عروسة لة اصل العرايس كتيير اليومين دوول اياد كان خلص الكشف ودخلتلة وياريتنى ما دخلت بعد دة كلة مارضاش يدينى فلوس قال الاخوات لبعضيهم وخرجت من عندة بعد ما قلبنى
وانا خارجة قابلت بنوتة بتسالنى هو الدكتور دة تخصص اية ؟

رشا خطاب
15/02/2008

أنا عايزة أتجوز

(1) نوسة وعمر

نوسة :ماليش دعوة انا عايزة اتجوز عمر انا بحبة وهو بيحبنى واتفقنا على كل حاجة
اشمعنى انا اللى ما اتجوزش ما هى ماهى بنت طنط درية اتجوزت الاسبوع اللى فات من من د. تامر وعملوا فرح كبير واهم طلعوا شهر العسل فى تايلاند مليش دعوة انا عايزة اروح تايلاند انا وعمر .
ابو نوسة : مين بتقولى اية
نوسة: بقولك عايزة اتجوز عمر واسافر تايلاند اشمعنى أنا أنا وهو اتفقنا على الجواز وهو بيكلم مامتة وباباة دلوقتى هو لسة مكلمنى من شوية وقال انة هيكلمهم
ابو نوسة : واية كمان يا نوسة
نوسة : هو هيجيب لى فستان ابيض احلى من بتاع فافى بنت طنط منيرة اللى ماما كان عجبها وكانت بتقول انة احلى من الفستان اللى جبتهولها فى الفرح واللى كنت مستخسر تدفع فية الفلوس
ابو نوسة : مين قالك الكلام دة
نوسة : ماما وهى بتكلم تيتة قالتلها الكلام دة وقالت انت كنت مستخسر تدفع تمن الفستان انت وتيتة لية ؟ وانت بتهرب من الموضوع لية عمر يجى امتى علشان يطلب ايدى
ابو نوسة : الشمال والا اليمين
نوسة : هى هتفرق
ابونوسة : هو مين عمر دة وعرفتية ازاى
نوسة عمر دة زميلى واكبر منى باربع شهور بس علشان ماتقوليش فى فرق سن وهنجوز ونكمل سوا انت عايزنى اعنس انا عايزة افرح بولادى ويكبروا وانا لسة صغيرة
ابو نوسة : يا سلام انت بتجيبى الكلام دة منين
نوسة : بجيبة من بقى هو عمر عيبة اية باباة ومامتة اشتروا الشقة خلاص مش ناقص غير اننا نروح نشترى العفش
ابونوسة : كمان اشتروا الشقة من الوقتى
نوسة : يا سلام مش بيجهزوا لابنهم زى ما ماما بتجهزلى
ابو نوسة : هى امك بتجهز لك
نوسة : اة ماما بدأت تجهزلى من دلوقتى انا سمعاها وهى بتقول لتيتة الكلام دة وجابت طقم صينى امبارح وعاينة عن تيتة .
ابو نوسة : الله الله اشجينى يا نوسة
نوسة : سيبك من ماما دلوقت اقول لعمر يجى امتى
موبيل نوسة بيرن وتدخل البلكونة
نوسة : ايوة ياعمر انا بقول لبابا دلوقتى ومش راضى يقولى تيجوا امتى هما قالولك هيجوا امتى
عمر : ماحدش راضى يرد عليا ومسخسخين على نفسهم من الضحك .
نوسة : هما شكلهم مش عايزين يجوزونا
عمر : خلاص نتجوز عرفى فى الفسحة واصحبنا هما الشهود .
نوسة خلاص انا هاجيب الفستان الابيض اللى ماما كانت جايبهولى فى فرح طنط منى والبسة هناك
عمر : وانا هجيب البدلة الجديدة اللى بابا جابهالى .



ملحوظة نوسة عندها اربع سنين وعمر عندة اربع سنين واربع شهور

عقبال عندكوا اتجوزوا فى الفسحة والمهر كان مصروف عمر وباكوا شكولاتة ووزعوا على اصحابهم مصاصة .

رشا خطاب
5/ 11/ 2007

مظاهر رمضانية ( المسحراتى ) مهنة الشهر الواحد

اصحي يا نايم وحد الدايم

وقول نويت بكرة إن حييت

الشهر صايم والفجر قايم

ورمضان كريم
يا عباد الله وحدوا الله


كلمات تعودنا ان نسمعها دائما مع دقة الطبلة الشهيرة لتوقظنا من النوم لتناول وجبة السحور مع شخصية المسحراتى ونداؤة اليومى طوال ليالى رمضان وفرحة الاطفال بهذا النداء حين يقوم المسحراتى بالنداء على الاطفال باسمائهم اصحى يا محمد وحد الدايم اصحى يا فاطمة

فى عهد الرسول صلى الله علية وسلم كان المسلمون يتعرفون على وقت السحور بأذان بلال بن رباح ويعرفون وقت الامساك بأذان عبد الله ابن أم مكتوم
وفي مكة كان "الزمزمي" ينادي من أجل السحور وكان يتبع طريقة خاصة بحيث يرخي طرف حبل في يده يتدلى منة قنديلان كبيران حتى يرى نور القنديلين من لا يستطيع سماع ندائه من فوق المسجد
ظهرت مهنة المسحراتى فى العصر العباسى فى عهد الخليفة جعفر بن محمد المتوكل وقد قام والى مصر عتبة ابن اسحاق عام 238 هجريا بمهمة المسحراتى لايقاظ اهل القاهرة للسحور حيث كان يطوف من مدينة العسكر إلى مسجد عمرو بن العاص فى الفسطاط منادياً " عباد الله تسحروا فأن فى السحور بركة " .
فى عهد الدولة الفاطمية امر الحاكم بأمر الله الناس بالنوم بعد صلاة التراويح وأمر جنودة بأن يمروا على البيوت ويدقوا الابواب لايقاظ النائمين ايذاناً بموعود السحور
وبمرور الوقت تم تعيين رجل لقيام بمهمة المسحراتى وكانت مهمتة الدق على الابواب لايقاظ النائمين و النداء " يااهل الله قوموا تسحروا "
ويعتبر ابن نقطة اشهر مسحراتى حيث كان موكلا إليه إيقاظ الخليفة الناصر لدين الله العباسي، فقد كان ابن نقطة يتغنى بشعر يسمى "القوما" مخصص للسحور، وهو شعر شعبي له وزنان مختلفان ولا يلتزم فيه باللغة العربية، وقد أطلق علية اسم القوما لأنه كان ينادي ويقول: "يا نياما قوما.. قوما للسحور قوما"، وقد أعجب الخليفة بسلامة ذوقه ولطف إشارته. وعندما مات أبو نقطة خلفه ولده الصغير وكان حاذقاً أيضا لنظم "القوما"، فأراد أن يعلم الخليفة بموت أبيه ليأخذ وظيفته فلم يتيسر له ذلك، فانتظر حتى جاء رمضان ووقف في أول ليلة منه مع أتباع والده قرب قصر الخليفة وغنى القوما بصوت رقيق رخيم فاهتــــز له الخليفة وانتشى، وحين هم بالانصراف انطلق ابن أبي نقطة ينشد: يا سيد السادات لك في الكرم عادات، أنا ابن أبي نقطة، تعيش أبي قد مات، فأعجب الخليفة بسلامة ذوقه ولطف إشارته وحسن بيانه مع إيجازه، فأحضره وخلع عليه ورتب له من الأجر ضعف ما كان يأخذ أبوه.
شهدت مهنة المسحراتى تطوراً على يد المصريين حيث تم استبدال الدق على الابواب بالعصا الى الدق على الطبلة التى تسمى "بازة " وهى عبارة عن طبلة من جنس النقارات ذات وجه واحد من الجلد مثبت بمسامير ، وظهرها من النحاس أجوف وبه مكان يمكن أن تعلق منه يمسكها المسحراتى بيدة اليسرى وبيدة اليمنى يمسك بسير من الجلد او عصا صغيرة ويدق بها على البازة وقت السحور منادياً فى العشر الاوائل من رمضان جئت يا شهر الصيام بالخير واليمن والبركات
العشرة الوسطى منادياً "يا نصف رمضان يا غفران الذنوب" و في العشر الأواخر ينادي: "وداعا يا رمضان يا شهر الكرم والإحسان" وفى آخر الشهر ينادى "يا وحشة لك يا شهر الصيام".

مظاهر رمضانية ( قمر الدين )

هو مللك العصائر الرمضانية المشروب المفضل لدى الكثيرين وضيف خفيف على المائدة الرمضانية كمشروب وحلوى بالاضافة الى كونة صيدلية رمضانية متكاملة
وقمر الدين عبارة عن رقائق مجففة من المشمش الطبيعي، كان يصنعه بهذه الطريقة أهل الشام لحفظ المشمش المعروف بقصر موسمه من الفساد، ويصنع بعصر ثمار المشمش ثم يضاف إليها السكر وتغلى على النار، وبعد ذلك تصب على ألواح خشبية مدهونة بزيت الزيتون وتتعرض للشمس إلى أن تجف تماماً، وبعدها تقطع وتلف على شكل طبقات رقيقة.
فقمر الدين غنى بالبوتاسيوم وفيتامين أ وغنى بالإلياف وبه نسبة من البروتينات وفيتامين ج وبعض الفيتامينات الأخرى قمر الدين يعتبر مصدراً مهماً لمضاد الأكسدة فيتامين "أ" على صورة بيتا كاروتين بجانب أنه يزود الجسم بالطاقة والألياف الغذائية مما يجعله مشروبا جيدا على مائدة الإفطار.
ويتميز مشروب قمر الدين بالعديد من الفوائد فهو يستخدم كعلاج لسوء الهضم و الاسهال والطمث وزيادة حموضة الدم والضعف العام . يفيد قمر الدين للعطش وتنظيم عمل الامعاء ويقوى شراب قمر الدين الاعصاب ويفتح الشهية ويقوى الخلايا النسيجية ويزيد من مناعة الجسم ويرطب وينظف الامعاء ويهدئ الاعصاب ويزيل الارق. يفيد فى علاج ضغط الدم عن طريق نظام غذائى يعتمد على المشمش
ويستخدم ككمادات لتنقية وتصفية البشرة
ويرجع اسم قمر الدين الى صاحب بساتين المشمش فى دمشق قمر الدين وهو اول من صنع عصير المشمش فى رمضان . وهناك العديد من الروايات حول سبب التسمية بقمر الدين فهناك رواية ان سبب التسمية يرجع الى ان قمر الدين كان يطرح فى الاسواق مع رؤية هلا ل رمضان فسمى بقمر الدين وهناك رواية اخرى ان مدينة امر الدين الشامية كانت تتميز ببساتين المشمش ومن هنا ومع تداول الاسم تحول من امر الدين الى قمر الدين .
وتؤكد الأبحاث أن المشمش الذي يصنع قمر الدين منه، يعادل قيمته الغذائية الكبد الحيواني تقريباً في صنع كرات الدم الحمراء في الدم، كما يساعد في تنشيط حدة الإبصار، وهم مفيد جداً للأشخاص الذين يبذلون جهداً ذهنياً؛ وذلك لاحتوائه على عنصرين مهمين للمخ وهما الفوسفور والماغنسيوم.

مظاهر رمضانية ( الكنافة )

الكنافة طعام الملوك التى تحولت لموائد البسطاء
من مظاهر الشهر الكريم الحلويات وبخاصة الكنافة والقطائف التى يكثر تناولها فى الشهر الكريم وتعتبر الكنافة وجبة افطار لانها تمد الجسم بالمواد الاساسية التى يفقدها الصائم اثناء صيامة ويعوضها الصائم بسكر وسمن الكنافة .
أصل الكنافة
وتعددت الروايات حول بداية ظهور الكنافة فمنهم من يرجعها الى الدولة الاموية وتحديدا فى عهد الخليفة الاموى السابع سليمان بن عبد الملك (96 -99) هجريا حيث يقال انها صنعت خصيصاً له .
وهناك رواية ثانية ان الخليفة الاموى معاوية ابن ابى سفيان كان يحب الاكل وشكا الى طبيبة ما يلقاة من جوع فى صيامة فوصف لة الكنافة كطعام للسحور لتمنع عنة الجوع فى نهار رمضان وقد قام صانعى الحلويات فى الشام بصنعها واطلقوا عليها " كنافة معاوية " .
وهناك رواية ثالثة ان الكنافة ذات اصول مصرية حيث قدم المصريين الكنافة بالمكسرات كهدية للمعز لدين الله الفاطمى عند دخولة القاهرة فى الخامس من رمضان عام 358 هجريا كنوع من الترحيب بة وتأكيدا لنفوذهم في مصر، وتم تقديم الكنافة للخليفة كشيء جديد ومختلف . وانها انتقلت الى دول الشام عن طريق التجار صانعي الحلويات في الشام لم يقبلوها بشكلها المصري، بل تم تغيير طرق الصنع، واضافة أشياء جديدة عليها كالجبنة التي لم تكن تستخدم في مصر.
وهناك رواية رابعة عن الكنافة لخمارويه الذى حكم مصر بعد أحمد بن طولون ولأن وجوده خارج مصر أكثر من داخلها بكثير كان يرسل ابنته أسماء المعروفة "بقطر الندى" بدلاً منه من آن لآخر، و لأن سفرها إلى مصر كان مستمراً أنشأ لها 11 استراحة على طول الطريق هى وحاشيتها وجلبت معها حلويات شامية منها الكنافة.

انواع الكنافة

اما عن انواع الكنافة فيوجد منها الكنافة الشعر وهى تكون خيوط رفيعة تشبة الى حد كبير الشعر وهناك الكنافة البلدى (اليدوية ) وتصنع فى وعاء ذو ثقوب (كوز مخروم )
الكنافة الالية وتصنع بالة مخصصة لصنع الكنافة وتكون ذات احجام متساوية
ويتفنن صناع الحلويات فى صنع الكنافة فمنها الكنافة البصمة هي المعروفة، والبورمة التي يتم تضفيرها أو تعمل صوابع وتُحشى بالمكسرات ومنها الكنافة النابلسية التى تشتهر بها مدينة نابلس الفلسطينة.
ومما يدل على الأثر العظيم الذي أحدثته الكنافة في نفوس المجتمع المصري أن شيخ الإسلام جلال الدين السيوطي قام بجمع ما قيل في الكنافة في رسالة سماها "منهل اللطائف في الكنافة والقطايف

( مظاهر رمضانية ( الفانوس

كل عام وانتم بخير ورمضان كريم
لشهر رمضان خصوصية كبيرة ومظاهر رمضانية بدأت تختلف من عام لاخر فمن استقبال هلال رمضان بالدق على الدفوف وزفة الهلال هل هلالك شهر مبارك اهلا رمضان التى بدأت تختفى وتتلاشى بمرور الزمن والكثير منا لم يشاهدها والزينة الرمضانية التى التى يتبارى الاطفال فى صنعها ويتنافسون فيما بينهم فى ان يكون شارعهم بة افضل الزينات واجمل فانوس الذى يصنعة الاطفال من الخشب والجلاد الملون.

ويعتبر فانوس رمضان من اهم المظاهر الرمضانية والارجح ان اصل الفانوس يرجع للدولة الفاطمية حيث ان معظم الروايات عن اصل الفانوس تعود الى الدولة الفاطمية ومنها الرواية الشهيرة للفانوس التى واكبت دخول المعز لدين الله الفاطمى القاهرة ليلاً حيث استقبله المصريين فى الخامس من رمضان عام 358 هجرياً ليلاً بالفوانيس والترحيب عند صحراء الجيزة حتى وصل الى قصر الخلافة واستمر استخدام الفوانيس فى رمضان بعد ذلك واصبحت عادة رمضانية .
وهناك العديد من الروايات التى تناولت قصص اخرى لأصل الفانوس منها انه فى عهد الحاكم بأمر الله لم يكن يسمح للنساء بالخروج ليلاً فاذا جاء رمضان سمح لهم بالخروج لاداء صلاة التراويح وكان يسبقهم طفل صغير يحمل فانوس مضاء ليعلم المارة بمرور النساء فيتم افساح الطريق لهم
وهناك رواية ثانية ان احد الخلفاء الفاطميين اراد انارة شوارع القاهرة طوال ليالى رمضان فامر شيوخ المساجد بتعليق فوانيس تضاء بالشموع طوال ليالى رمضان وبعد شهر رمضان يقوم الشيوخ بجمع هذه الفوانيس وحفظها لحين قدوم شهر رمضان ويتم تعليقها واضاءتها طوال الشهر الكريم
وهناك رواية ثالثة تقول أن الخليفة الفاطمى كان يقوم باستطلاع هلال رمضان وكان الاطفال يخرجون معة ليضيئوا له الطريق وكانوا يغنون اغانى رمضانية تعبيرا عن فرحتهم بقدوم الشهر الكريم
وهناك رواية رابعة تقول أن الفانوس تقليد قبطى مرتبط بوقت الكريسماس حيث كان الناس يستخدمونه ويستخدمون الشموع الملونة فى الاحتفال بالكريسماس
صناعة الفانوس
ويصنع هيكل الفانوس جميعه من الصفيح لسهولة قصه وخفته ويزين بنقوش دقيقة عند قاعدته وقمته ، ويعلوه (علاقة) مستديرة لحمله ، يليها (القبة) وتتكون عادة من شرائح رقيقة عديدة قصت لتصطف إلى جوار بعضها بدقة وإتقان ، وقد يتدلى من حواف هذه القبة كحلية عدة شرائط مستطيلة تسمى (دلايات) . وقد يكون للفانوس باب يفتح ويقفل لوضع الشمع فى (الشماعة) بداخله ، وقد يكون دون باب ويحل محله ما يسمى (عرق) وهى قاعدة يسهل فصلها عن الفانوس تسمى (كعب) يعلوها الشماعة ثم ترشق فى الفانوس عقب وضع الشمع مرة أخرى . ويبدأ زجاج الفانوس من مقرنص – شقة البطيخة (مربع أو مدور) – شمسية – بدلاية . ومن الفوانيس مايصنع أعلى بشرائح مثلثة تسمى (مشطوبة) ، يليها زجاج واجهاته وهو إما عدل أو محرود أو بيضى الشكل ويسمي لوح

وارتبط الفانوس باغانى رمضانية يغنيها الاطفال وهم يحملون الفانوس وتعد اشهرهم أغنية وحوى يا وحوى
وحوى وحوى إياح

وكمان وحوى إياحا

بنت السلطان إياحا

لابسة قفطان إياحا

بالأخضرى إياحا

بالأصفرى إياحايا

لمونى إياحايا

دوا عيونى إياحا

يارب خليلى سى عثمان

خاللى نينته سى عثمان

لولا سى عثمان لولا جينا

يالا الغفارولا تعبنا رجلينا يالا الغفار

يحل كيسه ويدينا يالا الغفار

ويدينا ياما يدينا يالا الغفاريدينا

ميتين ريال يالا الغفار

نروح بيهم على بر الشام يالا الغفار

خلع بارتى

الطرف الأول : الو هاى ازيك اخبارك ايه احنا النهاردة عاملين بارتى كبير وعازمينك علية ياريت تيجى من بدرى علشان فية سيربرايز كتييييير

الطرف الثانى : مين عامل البارتى ومين دوول اللى عازمنى وبمناسبة ايه

الطرف الاول: بليز اسمعينى اكمل كلامى

الطرف الثانى :كملى ياستى كلى اذان صاغية

الطرف الاول انا وستة من اصحابى عامليين بارتى كبير وعازمين كل الفريندز بتوعنا على البارتى

الطرف الثانى :عرفنا انكوا عامليين حفلة بس بمناسبة ايه

االطرف الاول : بليز ليسن تو مى انت عارفة انى اتجوزت الصيف اللى فات من شاب اتعرفت علية على النت واتقابلنا وحبينا بعض واتجوزنا

الطرف الثانى : اة انا فاكرة ربنا يهنيكوا ببعض انا فاكرة فراحكوا كويس نص مطربين البلد ورقاصاتها حييوة وناس كتييير من الشخصيات العامة حضروا هى البارتى بمناسبة عيد جوازكوا

الطرف الاول :لالا انا خلعتة خلاص وعاملة خلع بارتى انا وصحابى اصلهم خلعوا خلاص وناويين يشاركونى البارتى

الطرف الثانى : ليه هو طلع بخيل والا طلع عينة زايغة

الطرف الاول : ياريت

الطرف الثانى : امال طلع اية

الطرف الاول : الغشاش النصاب طلع خريج جامعة حكومى وضحك عليا وخدعنى ومقاليش انة متخرج مع العيال البيئة من جامعة حكومي
الطرف الثانى : وفيها ايه لما يكون خريج جامعة حكومى مش فاهمة وجهه نظر سيادتك فى الموضوع

الطرف الأول : اكتشفت بعد الجواز ان طريقنا مش واحد بينا فروقات كتيير وخلافات علمية وفكرية

الطرف الثانى :بس الخلافات العلمية والفكرية بتيجى لما بيكون المستوى الثقافى مختلف والثقافة عمرها ما كان لها علاقة بنوع الجامعة والا مكانها وانت و جوزك على نفس المستوى التعليمى

الطرف الأول : لا انت فاكرة انة علشان معاة شهادة معلقها على الحيطة وفخور بيها انة كدة هيكون على نفس مستوايا الفرق كبيير بينا

الطرف الثانى :بس دى ممكن خلافات بتحصل فى أول سنة جواز ومتعارف عليها بين الناس

الطرف الأول : نو واى انى كنت اكمل معاة دة مش من مستوايا ودى غلطتى من البداية انى ارتبط بخريج جامعة حكومى

الطرف الثانى : طب انا عرفت انتى خلعتية لية امال الخمسة الباقيين خلعوا لية ماهى دى المفاجأة نفس السبب احنا قررنا نخلع ان سايم تايم

الطرف الأول : طب اصحابك متجوزين من امتى الطرف الثانى : فى منهم متجوز من اربع شهور وفى ناس تانية من اربع سنيين فى الرينج دة

متتأخريش اوكى باى 

رشا خطاب

هتتخلع يا معلم 3

هتتخلع يامعلم

يعنى هاتتخلع يامعلم

بالذوق بالعافية بالشاكوش والا بالكماشة

هتتخلع هتتخلع

عايز تعرف هاتتخلع لية مزاجى وانا حرة فية

حد عندة مانع

مش عارف هاتتخلع لية

انا عارفة انك بتتكلم انجليزى لبلب

وممكن تكلمنى انجليزى انا والعيلة والصحاب

وتعملى عيد ميلاد تكلم فية صاحبى بالانجليزى

ما انت غاوى منظرة

بس قديمة بقت دى مودية راحت عليها

طيب هاتتخلع لية كل دة ومش عارف

صحيح احنا كتبنا الكتاب ولسة الفرح ماتمش مش مشكلة

وصحيح ان العفش لسة فى بيتنا ماوديتهوش الشقة

ومش هاودية

اصلك يا جميل هتتخلع علشان الشقة

سمعنى بتقول اية ما سمعتش على صوتك

كمان كمان شوية

اية مالها الشقة دى مالها ومالها ومالها واتقلب حالها

انا اتجوز فى الشقة دى

دى بيئة .................................... ( كلمة روشة طحن ) تعنى مش قد المقام

الوانها مش ستايل الوان من المتحف

وكمان العفش مش سينية وذوقة بلدى جداااااااااااااااااااااا

حد يا راجل يجيب انترية لونة فوشيا لعروسة

وتقولى دى احدث موضة

كنت جبت كنبتين اسيوطى

وكمان متاخدش راى فى العفش

مش دة المفروض عفشى

وكمان مش عايز تغير العفش

وبتشترى على ذوقك انت

اذا كنت بتعمل كدة قبل ما الجوازة تتم

بكرة هتعمل اية ياغدار ................. تنفع اغنية لهيفا

روح وانت مخلوع 

مخلوع ولا انت على بالى وانت اكيد دارى

انك اكيد مخلوع تنفع لتامر حسنى

كان هذا هو نص المكالمة الاخيرة

بين العروسة وزوجها المخلوع

نلتقى بعد الخلع

رشا خطاب

7 مارس 2007

جين البرغوث

كشف علماء ألمان عن جين جديد مسؤول عن "القفز" الخاص بالبرغوث.ويعدّ بروتين ريسلين "Resilin" المكون الأساسي للجين الذي يساعد البرغوث على القفز من سرير إلى آخر بلا عناء ليمتص دماء النائمين، .
واعلن العلماء الألمان من معهد ماكس بلانك الشهير في شتوتغارت (جنوب ألمانيا) أنهم نجحوا في عزل الجين بعد أبحاث مطولة على بروتين ريسلين، وأنهم يبحثون حاليا عن طريقة لإنتاجه صناعيا بكميات تجارية.
ويمكن لهذا البروتين أن يوفر سلاحا بيد العلماء لاختراع دواء يقيّد قدرات البرغوث البهلوانية، وربما يقتله، كما يمكن أن يشكل قاعدة جديدة لإنتاج نوع جديد من المطاط الخارق.
ويعتبر البرغوث صاحب قدرة خارقة على القفز قياسا بحجمه الذي لا يتعدى مليمترين في الحالات القصوى.
وسبق لعلماء معهد ماكس بلانك أن قاسوا قدرة البرغوث على القفز بقوة تعادل وزنه 100 مرة.
وللمقارنة مع البشر، فإن وجود جين ريسلين في جسم الإنسان سيؤهل إنسانا من الوزن المتوسط للقفز بارتفاع 200 متر عن سطح الأرض.
كما تفحّص الباحثون الأسباب الممكنة لهذه القدرة الخاصة بالقفز، وتوصلوا إلى أن السبب يكمن في الجينات وليس في نوع الغذاء، لأن البعض كان يظن أن التغذّي على دم الإنسان هو مصدر هذه القوة.
وعثر العلماء على بروتين ريسلين بكميات مركزة في أقدام البرغوث، وقد تم اشتقاق اسم الريسلين من كلمة لاتينية تعني "الدفع الارتجاعي".
يشار إلى أن بروتين ريسلين يتمتع بنفس خواص المطاط الطبيعي، ويشكل أساس النسيج المرن الذي تتمتع به عضلات أرجل البرغوث الخارقة. ويتميز هذا البروتين بقدرة هائلة على خزن الطاقة ومن ثم إطلاقها -عند الحاجة- بشكل طاقة حركية.
وتتقلص عضلات أرجل البرغوث عند القفز كما يتقلص النابض ويدفع بجسم البرغوث الضئيل في الهواء، وبقدر كثير من القدرة للسيطرة على الارتفاع والاتجاه، كالقذيفة من جوف المدفع.
ويقول العلماء، إن عضلات البرغوث ومفاصله وحدها لا تؤهله لهذه القدرة النطاطة بدون بروتين ريسلين.
واللافت للنظر هو أن ريسلين موجود في عضلات العديد من الحشرات الأخرى مثل الجراد. ويتركز في الجراد بالقدمين وفي مناطق الأجنحة كي يمنحها مطاطية خاصة عند الطيران.
إلا أن الريسلين المستمد من البراغيث، يختلف عن نظيره في الحشرات الأخرى من ناحية المطاطية والقدرة على حفظ الطاقة.
وذكر ستانيسلاف غروب، عالم البيولوجيا في قسم المعادن في معهد ماكس بلانك، أن العلماء عرفوا الريسلين كبروتين منذ 40 سنة، إلا أنهم لم يكتشفوا تركيبته البيولوجية، الأمر الذي جعله أحد أكثر البروتينات الطبيعية غموضا، وهو ما يحاول فريق العمل الذي يقوده أن يفعله في شتوتغارت.
وأضاف أن عزل الجين المسؤول عن القفز والتوصل إلى إنتاج بروتين ريسلين بكميات كبيرة صناعيا سيسهم في تطوير تقنية صناعة المطاط بشكل جذري. فقد ثبت من جهة أنه غير قابل للتآكل والتعب، على عكس أنواع المطاط السائدة في السوق، إلا أنه قابل للتحلل بيولوجيا بسهولة.
وعن مجالات استخدام الريسلين في الصناعة أشار العالم غروب إلى صناعة الطائرات ومفاصل الروبوتات وقطع الأطراف الصناعية التي تصنع عادة للمعاقين.