إنا لله وإنا إلية راجعون

انا لله وانا الية راجعون

 

توفى الى رحمة الله تعالى يوم 3/12 /2009

والدى الاديب والشاعر الشربينى خطاب (مدونة الادباتى )

http://elsherbeenykhattab.maktoobblog.com/

ولحقت بة شقيقتى الوحيدة هالة خطاب

(ضى القمر وقمر المنصورة ) يوم 4/12 /2009

دون علمها بوفاة والدى نتيجة اهمال طبى من طبيب يجب ان يحاكم فى محاكمة علنية ويشطب اسمة من نقابة الاطباء

اللهم اجرنى فى مصيبتى واخلف لى خير منها

مهما حاولت ان اعبر بكلمات شكر لااستطيع ان افيكم حقكم فلقد كنتم نعم الاخوة لى شكرا لكل من قام بتقديم واجب العزاء سواء بالاتصال او الحضور او ارسال المسجات شكرا لوفد المنتديات الذين حضرواوقدموا واجب العزاء واعتذر لمن قاموا بالاتصال ولم اقدر على الرد عليهم لا اراكم الله مكروها فى عزيز لديكم

اللهم يا حنان يامنان يا بديع السموات والارض يا ذو الجلال والاكرام يا حى يا قيوم اللهم اغفر لهما وارحمهما وعافهما واعف عنهما واكرم نزلهما ووسع مدخلهما واغسلهما بالماء والثلج والبرد ونقهما من الذنوب والخطايا كما ينقى الثوب الابيض من الدنس وابدلهما دارا خير من دارة واهلا خيرا من اهلة وزوجا خيرا من زوجة وادخلهما الجنة واعذهما من عذاب القبر وعذاب النار

اللهم انا نتوسل اليك باسمائك الحسنى وصفاتك العليا ياذا الجلال والاكرام يا حى يا قيوم ان تغفر لهما وترحمهما اللهم اغفر لهما وارحمهما عدد خلقك اللهم اغفر لهما وارحمهما زنة عرشك اللهم اغفر لهما وارحمهما رضاء نفسك اللهم اغفر لهما وارحمهما مداد كلماتك اللهم اغفر لهما وارحمهما كلما ذكرك الذاكرون وغفل عن ذكرك الغافلون اللهم اغفر لهما وارحمهما عدد ما احصاة كتاب الله واحاط بة علمة

اللهم ارحمهما رحمة واسعة وتغمدهما برحمتك اللهم قهما عذابك يوم تبعث عبادك اللهم انزل نورا من نورك علية اللهم حرم دمهما ولحمهما وبشرتهما على النار برحمتك يا ارحم الراحمين

رشا خطاب

 

يلا نشجع مصر

كلنا هنشجع مصر
كلنا هنقول يارب

الكورة بتجمعنا مش عايزنها تفرقنا

هنقولها بكل أدب مصر والجزائر اخوة للابد

هنقولها بعلو الصوت كاس العام مستنينا
هنقولها من غير قرص النصر لمصر

هننسى كل اللى فات ومصر هاتفوز بكل اللغات

هنقولها فى كل الاوقات كاس العالم ات ات

هنقولها بكل احترام الفراعنة هيحققوا الاحلام
إن شاء الله مصر هتكسب

مظاهر رمضانية ( مدفع رمضان )

مدفع الافطار اضرب جملة شهيرة تعودنا على سماعها فى شهر رمضان الفضيل فى مصر وينتظر سماعها الكبار والصغار .ارتبط صوت المدفع بموعد الافطار والامساك وتعددت الروايات حول قصة ارتباط المدفع بموعد الافطار
الرواية الاولى تعود لعام 859 ھ فى العصر الاخشيدى حيث كان والى مصر خوشقدم يجرب مدفع جديد اهداة لة احد الولاة وتصادف اطلاق اول طلقة من المدفع عند غروب شمس غرة رمضان فظن الناس ان الولى تعمد اطلاق المدفع فى هذا الوقت لتنبية الصائمين بموعد الافطار وتوافد على القصر عقب ذلك الشيوخ و الناس لشكر الولى على اطلاق المدفع وقت الافطار ومن يومها ارتبط اطلاق المدفع بموعد الافطار .
الرواية الثانية تعود 1805 م فى عهد محمد على حيث كان محمد على يجرب مدفع جديد تم استيرادة من المانيا لتحديث الجيش المصرى باحدث الاسلحة وانطلقت اول طلقة فى موعد الافطار
الرواية الثالثة تعود ل عام 1853 م فى عهد الخديوى عباس الاول كان ينطلق مدفعان للإفطار في القاهرة: الأول من القلعة، والثاني من سراي "عباس باشا الأول" بالعباسية- ضاحية من ضواحي القاهرة- وفي عهد الخديوي "إسماعيل" تم التفكير في وضع المدفع في مكان مرتفع حتى يصل صوته لأكبر مساحة من القاهرة، واستقر في جبل المقطم حيث كان يحتفل قبل بداية شهر رمضان بخروجه من القلعة محمولا على عربة ذات عجلات ضخمة، ويعود بعد نهاية شهر رمضان والعيد إلى مخازن القلعة ثانية.
الرواية الرابعة (مدفع الحاجة فاطمة ) تعود الى عهد الخديوى اسماعيل حيث كان احد الجنود يقوم بتنظيف المدفع قبل غروب الشمس وانطلقت طلقة من المدفع عن طريق الخطا عند آذان المغرب فاعتقد الاهالى انة اسلوب جديد لاعلام الناس بموعد الافطار فلما علمت ذلك الحاجة فاطمة ابنة الخديوى اسماعيل اصدرت فرماناً ليتم استخدام المدفع فى الامساك والافطار والمناسبات الرسمية ومن هنا جاءت تسميتة بمدفع الحاجة فاطمة .

رشا خطاب

اجازة

اصدقاء وزوار المدونة الكرام كل عام وانتم بخير

لاحظتم منذ فترة قلة الادرجات فى المدونة

 بسبب ظروف خارجة عن ارادتى تتعلق بصعوبة دخولى المدونة

وبعد ان حلت المشكلة  كنت فى اشد الحاجة الى اجازة

لذا فالمدونة فى اجازة وستعود فى بداية الشهر الفضيل ان شاء الله

اعادة الله علينا وعلى الامة الاسلامية بالخير واليمن والبركات

كل عام وانتم بخير

أبلة نظيرة

حينما يذكر المطبخ نتذكرها ولما لا فهى الاسم الاشهر فى عالم الطبخ فهى صاحبة اول موسوعة عربية فى الطبخ نعرفها جميعاً باسم ابلة نظيرة لكن من هى ابلة نظيرة وكيف اصبحت الاسم الاشهر فى عالم الطبخ تعالوا معنا نتعرف عليها

هى نظيرة نيقولا الشهيرة باسم ابلة نظيرة المولودة فى عام 1902
فى عام 1926 قررت وزارة المعارف ارسال مجموعة من البعثات فى كافة التخصصات لاستكمال الدراسة العلمية واختارت من كلية التدبير المنزلى 14 فتاة كان من ضمنهم نظيرة نيقولا للدارسة فى جامعة جلوستر بانجلترا لمدة ثلاث سنوات فنون الطهي وشغل الابرة .
وعندما عادت من البعثة قامت بتدريس الثقافة النسوية ( التدبير المنزلى ) وتفرغت لمجال الطهى وكيفية اعداد وتزيين المائدة وكانت تحث تلميذاتها على حب المطبخ وتزيين المائدة بابسط الاشياء فكانت تعتبر الطهى فن مثل باقى الفنون .
ولعبت الصدفة فى حياة ابلة نظيرة دورا كبيرا ففى الاربعينات اعلنت وزارة المعارف ( التعليم حالياً ) عن مسابقة على مستوى المدارس لتاليف كتاب عن الطهى ليكون منهج الوزارة لمادة التدبير المنزلى وفاز كتابها الذى يحمل اسم اصول الطهى بالمركز الاول ليتم تعميمة وتدريسة على مستوى المدارس كمنهج التدبير المنزلى
وذاع انتشار هذا الكتاب فقد تناقلتة الايادى فلم يقتصر قراءة على طالبات المدارس بل امتد الى امهاتهم وجيرانهم واصدقاءهم وزاد الطلب على هذا الكتاب ليحقق رواجاً كبيرا وتم عمل العديد من الطبعات للكتاب والسر فى ذلك ان الكتاب يراعى الحالة الاقتصادية ومناسب للجميع للمبتدئات والمحترفات ويقدم وصفات سهلة التنفيذ . وواصلت ابلة نظيرة الموسوعة ليصل هذا الكتاب إلى 18 جزء واصبح الكتاب موسوعة شاملة لكافة اشكال الطهى وتم تعديل الكتاب وفقا للمقاييس الحديثة حيث ان المقادير كانت تعتمد على الرطل .
ومن التدريس وتاليف الكتب انتقلت ابلة نظيرة إلى الإذاعة لينتظرها الكثير من ربات البيوت للاستماع إلى وصفتها الشهية بجانب مشاركتها فى مجلة حواء التى استمرت فيها لتقديم وصفات اشهى المأكولات حتى بعد توقف برنامجها .
توفيت نظيرة نيقولا فى عام 1992 عن عمر 90 عاماً 

 

رشا خطاب

ملامح الابداع فى نصوص معاصرة

تحت رعاية الهيئة العامة لقصور الثقافة اقليم شرق الدلتا فرع ثقافة دمياط اقيم مؤتمر اليوم الواحد بدمياط الخميس 2 أبريل 2009 بعنوان ملامح الابداع فى نصوص معاصرة وتم تكريم الشاعر السيد الموجى والكاتب المسرحى عبد العزيز اسماعيل

الجلسة البحثية الاولى بإدارة حلمى ياسين تناولت

بحث عن الطوابع الشعبية فى العامية المصرية لابرهيم حمزة
حيث تناول البحث توقف الصراع بين الفصحى والعامية حول مستوييى اللغة ، العامية وطوابعها الشعبية ، العماويين ودلالاتها ، اللفظ ودلالاتة الشعبية ، الغاية والأداء وعناق التراث ، الصورة اللعبة الكبرى و التدوين ومشكلاتة

بحث عن تجليات البحر والحياة لابراهيم عطية
قراءة فى اشعار دمياطية وبعض التجارب الشعرية مثل تجربة سيد الموجى ورباعياتة رباعيات الدنيا والانسان ،عبدالعزيز حبة وحمل الزمان أكبر وشوية كلام لكامل الدابى ومحاكمة السيد عامر ومواسم الاحزان أحمد الشربينى ودقات قلبى يا وطن لمحمود العباسى وانفجار الروح لسامح الحسينى

قراءة عامة للمشهد القصصى فى دمياط لأحمد رشاد حسانين

من خلال مجموعات قصصية الكتابة عبر النوعية فى هذه الاقوال لكم لمصطفى الاسمر وسيرة جزيرة تدعى ديامو لمحسن يونس وصندل احمر لسمير الفيل وذلك البيت لحلمى ياسين وقلب جمار عزيزة لمحمد مختار ولسع النعناع لمحمد شمخ الحلم بصياغة واقع جديد الحاجز البشرى لفكرى داود وعرائس من ورق لاحمد الشيطى وصخب الصمت الدسوقى البدحى

بحث عن المكان فى سرديات معاصرة لسمير الفيل

نظرة متأملة على الامكنة عندما تعكس ملامحها البشر محسن يونس والبحيرة فى قصة البحث مصطفى الاسمر وشخصيات تشعر بالخوف من القوى .فكرى داود وفكرة الاغتراب فى صغير فى شبك الغنم

الجلسة البحثية الثانية بإدارة محمود العباسى

اطلالة على المشهد السردى الدمياطى لفكرى داود

مساحة محدودة وتنوع غير مسبوق حيث المصيف الموسمى يحتم تباين الكتابةكتابين نشاطات الخلق من فصل لفصل ، التمسك بالموقع حتى النهاية اختيار القاهرة مقاما والانتقال اليها وبعض تحولات من تحول بعض كتاب القصة الى كتابة السيناريو وبعض الشعراء وتحولهم الى كتابة القصة ، مواهب كثيرة واستثمار قليل ، اختفاءات مبهممة وكتاب الرواد ودور غير مذكور

شعر الفصحى فى دمياط لابراهيم الجهينى

تناولت تجارب شعريةسابقة استفادت من منجزها واعتمدت على تراث عريض قدمتة اللغة عبر تاريخها من فنون بلاغية واداءات شعرية لتنتج هذه التجارب الشعرية وهى من سيرة الصقر للشاعر مصطفى العايدى الصوت والرماد لسيد النماس دقات قلبى ياوطن محمود العباسى صباحات لمن قاسمنى دفئة عفت بركات شتاء الاسئلة عيد صالح

قراءة اولى فى المشهد الابداعى لشعر الفصحى لمصطفى العايدى

تتناول الاصوات الشعرية دون النظر الى التقسيمات العمرية واشكالية تعاقب الاجيال او حسب فترات تواجدهم ومدى تاثيرهم الابداعى منذ ميلاد الحركة الادبية فى دمياط او عبر مراحل تطورها والقاء الضوء على خصائص وسمات المشهد الابداعى لشعر الفصحى الان

الجلسة الثالثة (شهادات) بإدارة د. عيد صالح

وهكذا تحدثوا فيها

تجربتى مع الشعر سيد الموجى

لاازعم لنفسى تجربة شعرية خاصة فتجربتى ماهى الا نتاج تفاعل لتجاربنا جميعا نحن شهود هذا العصر وورثة عصور من سبقونا إلى ميدان الشعر ، تجربتى ان زعمت انما هى جزء من تجارب كل اولئك الذين قرأت لهم واستمعت اليهم من الاجيال المختلفة منذ الشعر الجاهلى وحتى يومنا هذا وكل اولئك الذين تعلمت على ايديهم من معلمين افاضل كانوا يعرفون للعلم مكاناتة ويمارسون التعليم باعتبارة رسالة لامهنة ويتبنون اصحاب المواهب باعتبارهم مشاريع مبدعين فى المستقبل .

ايام بلا شمس محمد حسن العتر

السؤال محل الشك اما ان يكون شك فى الرد او فى الوصول الى ظل الجمال فالكل يسعى الى نور الحقيقة ويظل المعنى الجميل غامضاً وتظل الحكاية تروى حسب ما يرويها الراوى ، اما الهرب من الخجل او الهروب من الحقيقة وحكايتى لاخجل فيها ولامهربا

المغنى والبهلوان لمحمد مختار

عرفت القراءة واقتناء الكتب حتى اصبح الكتاب يثيرنى لاقصى حد لم يكن ينغص عليا تلك المتعة الا كونى الوحيد فى عائلتى الذى يعاقر الكتب ، كذلك كنت الوحيد فى عائلتى الذى يعاقر الكتب كذلك كنت الوحيد الذى يعرفنى من بين اقرانى لم يكن هناك من احد استطيع مبادلتة كتاب بكتاب او مناقشة افكار وخيالات كنت مستوحدا فى ذلك الامر ولمدة طويلة جدا

كنت مدفوعاً لا اراديا لهذا الاتجاة ناصر العزبى

الحياد فى الشهادة يفقدها قيمتها ، فهى اما ان تكون ل او على تكون ل واقع الثقافى ان كان بة ما يستحق الشهادة لصالحة او على الواقع الثقافى بما فية من تجاوزات

الندوة الشعرية بإدارة احمد الشربينى

بعض الصور للمؤتمر وكواليسة

الشاعر الشربينى خطاب والشاعر احمد الشربينى

الشاعر الشربينى خطاب والشاعر جمال البلتاجى والشاعر احمد الشربينى

الشاعر مصباح المهدى, الشربينى خطاب,رشا خطاب (برغوته),سمير الفيل(رئيس المؤتمر) القاص محمد شمخ, الشاعر احمد راضى

تقى المرسى وعلا بركات

الشاعر العربى الكبيرمحمد الشهاوى

أديبتان من المؤتمر
الشاعر الشربينى خطاب والشاعر محمد الشهاوى



الشاعرة السيدة الشولى





الشاعر احمد الشربينى, والقاص الشاعر محمود الديدامونى,والقاص والروائى محسن يونس
القاص والروائى فكرى داود أمين عام المؤتمر

الشاعران الشربينى خطاب, واحمد الشربينىيتوسطهم الشاعر الكبير محمد الشهاوى

لقطات لبعض أعضاء المؤتمروكتاب الابحاث

متابعة

رشا خطاب

الراجل دة هايجننى

انا خلاص هتجنن من الراجل دة جننى وطلع الجنونة خلاص اعملة اية ياناس ومش قادرة اتكلم وافضفض لانى لما هتكلم ستين لسان بيطلعولى ويقولى انتى بتتبترى على النعمة حد لاقى يتجوز والا فى حد بيتجوز مش هو دة محمد اللى كنتى هتموتى وتتجوزية وطول ايام الخطوبة محمد عمل محمد سوى هو اية اللى جرى ياناس يا عالم انا خلاص هطق حاسة بملل فظيع اعمل فى اية البية اللى متجوزاة هو اى نعم طيب وحنين وبيحبنى وفى صفات كتير حلوة بس فى حاجة هى اللى مجنانى تقدروا تقولوا علية كائن بيتوتى جدا من البيت للشغل ومن الشغل للبيت مابيحبش يخرج خالص اقولة انا عايزة اخرج اتفسح يقولى لية اقولة اغير وشوش اشوف ناس ماشية نزور قرايبنا المهم نخرج من البيت يقولى هو لازم نخرج علشان نشوف الناس تعالى نقف فى البلكونة وهانشوف الناس ماشية فى الشارع طب ما نعمل زيهم يرد ويقول مانا كنت فى الشغل وزهقان من الناس ياعم انا مش زهقانة انا طول النهار بعد فى حيطان الشقة واحنا لاعندنا عيل والا تيل علشان اتلهى فية بلاش نخرج نتفسح تعال نزور قرايبنا تعالى نزور مامتك وبابك بلاش ماما وبابا علشان ماتتحججش يعنى كل الفيلم دة علشان تشوفى بابا وماما هخليكى تشوفيهم وتشوفى مامتك وبابكى كمان هو انا عندى اغلى منك دخلت لبست تايير شيك علشان الخروجة الاقية لسة ماغيرش هدومة يابنى يالا علشان نخرج يرد عليا بكل برود ومين قالك اننا هنخرج امال انا دخلت البس لية قالى براحتك براحتى اية انت مش قلت اننا هنزور ماما وبابا ومامتك وباباك انا مقلتلكيش هنزور انا قلت هتشوفى يالهوووووووووووووووووووووووووووى اوعى تكون ناوى تطلعى صورهم وتقولى شوفيهم الاقى بيقولى لا يا حياتى انا اقدر احس ان فى حاجة ناقصاكى وانت معايا والا يكون نفسك فى حاجة معملهاش انا طلبتهم وعزمتهم على العشا معانا النهاردة جيت على نفسى وقلت مش مشكلة كفاية الكلمتين الحلوين دول اهو هاشوفهم وخلاص وبلاها الخروجة .
قلت افكرة بايام الخطوبة يوم ماخرجنا على الكورنيش واكلنا ذرة وترمس وياريتنى ما فكرتة انا اللى جبتة لنفسى تانى يوم لقيتة داخل عليا بسميط وبيض وجبنة وترمس وذرة وخد الشواية وقعد يشوى الذرة فى البلكونة قال اية علشان يكون الذرة سخن كان ناقص يجبلى الكورنيش بالمرة اقولة انا مش عايزة كل الحاجات دى انا عايزة اخرج يقولى هو فى حاجة ناقصة نسيت الحاجة الساقعة هطلب السوبر ماركت حالاً يبعتولنا حاجة ساقعة مرارتى تتفقع والضغط يعلى عليا وانا لسة فى عز شبابى وخايفة يجبلى جلطة من عمايلة اسكت واعديها.
لكن كلة كوم والى عملة دة كوم بقالى كام يوم عمالة ازن علية نخرج ناكل برة انشالة فول وطعمية بس اخرج بجد زهقت لقيتة الصبح وهو رايح الشغل قالى متعمليش غدا النهاردة هناكل برة هيهههههههههههههه اخيرا هخرج ويتفك حبسى من الساعة واحدة الظهر وانا بلبس واجهز فى نفسى الاقية جاى وجايبلى الاكل معاة احنا مش هنخرج ناكل برة لا ياحبيتى هناكل برة فى البلكونة اصوت والا اعمل اية انا مش عايزة اكل برة انا عايزة اخرج من الاربع جدران دول انا مابحبش الاكل بتاع المطاعم اصلاً بس اعمل اية اى حاجة تخرجنى انط من البلكونة واخلص والا ازقة واخلص منة ومن عمايلة والا اعمل اية
الو السوبر ماركت
لوسمحت عايزة اكياس بلاستيك وساطور حامى

تأليف
رشا خطاب
22/10/2008

مظاهر رمضانية (الفول المدمس )

ان خلص الفول انا مش مسئول دا الفول بيقول انا عجمية
هو مسمار البطن واكلة شعبية يحبها الصغير قبل الكبير ولاتكاد مائدة تخلو من الفول طوال السنة وتعبر احد المظاهر الرمضانية الرئيسية على كل الموائد فلا تكاد تخلو مائدة سحور او افطار منها فى مصر وبعض البلدان العربية لاحتوائة على البروتين بالإضافة إفلى عنصر الحديد والأملاح المعدنية . والبعض يطلق على الفول طبق السعادة لأن المخ يقوم بإرسال عدد كبير من المواد الكيميائية الحيوية للجسم، بعد تناوله، وهي [1]ما يسمى بالموصلات العصبية تساعد على ظهور مشاعر السعادة والنشاط، لأن الجسم يحصل على تغذية متكاملة تضمن له كل ما يحتاجه، الأمر الذي ينعكس ايضا على مزاجه الذي يتحسن من أكثر وأنجع هذه الموصلات العصبية (مادة السيروتونين) التي تنظم فترات النوم وتقلل من حالات القلق، إلى جانب مادة (استييل كولين) التي تساعد على تكوين الذاكرة والمحافظة على قوتها، ومادة (دوبامين وادرينالين) التي تعمل على التحكم في حالات التوتر والقلق .
اصل كلمة مدمس
اغلب الظن انها كلمة فرعونية او تعود للفراعنة حيث ان معظم الرويات تعود لعهد الفراعنة
الرواية الاولى عن ديموس صاحب الحمام الذى بنى حمام بجوار مقلب قمامة وكان يقوم باشعال النار فى القمامة والاستفادة منها لتسخين الماء وفى احد الايام فكر ديموس بوضع قدرة الفول على نار القمامة لاسراع عملية الطهى وبالفعل تمت عملية النضج بنجاح وانتشر الخبر بين اهل المدينة وبدأوا فى وضع القدر عند ديموس ومن هنا جاءت كلمة تدميس
الرواية الثانية عن أصل كلمة مدمس هو كلمة متمس الهيروغلفيه وهى إنضاج الفول بواسطة دفنه فى التراب والتى تعنى الفول المسوى فى الفرن بواسطة دفنه فى التراب .
الرواية الثالثة ان اصل كلمة مدمس انها كلمة قبطية مستمدة من اللغة الهيروغليفية وتعنى الفول .
الرواية الرابعة ان كلمة مدمس كلمة عربية فالتدميس يعنى اخفاء الشئ تحت الشئ ومنها (المدمس )
الرواية الخامسة إن كلمة مدمس وهى كلمة مصرية قديمة قدم الفول ذاته و هى تعبر عن طريقة الطهى المستخدمة فى مصر و أشتقت منها كلمات مثل تدميس و دماسة و نطق الكلمة الأصلى ميديمس.
فوائد الفول المدمس
وتحتوي قشور الفول على فيتامينات ناجمة عن التفاعل مع أشعة الشمس، ولذلك فمن المستحسن أن يطبخ الفول بقشوره، لأنها تمدنا بالفيتامينات، كما تمنع الإمساك، وتتيح فرصة الإفادة من مادة الكلوروفيل الموجودة فيها وهي المادة الخضراء التي تمتص روائح الجسدوللفول المدمس فوائد أخرى كثيرة، فهو يمنع الإصابة بالأزمات القلبية، ويقضي على ارتفاع نسبة الكولسترول في الدم، وبذلك يخفض تناول الفول المدمس نسبة واحد بالمئة من المواد التي تؤدي إلى تصلب الشرايين.
[1] د مصطفى نوفل : جريدة الشرق الاوسط

يا عالم ياهوة

يا عالم ياهوة
انتوا ناويين تجننونى
اعمل اية
اقطع نفسى
معلش ياعم فطوطة
انت اللى عودتنا عليها من صغرنا
"اقطع نفسى ابهدل نفسى "
اولع فى نفسى علشان ترتاحوا
اجيب فلوس منين
مصاريف المدارس
والا الزى بتاعهم
والكشاكيل والاقلام والشنط
وفلوس الدروس الخصوصية
وكمان رمضان على الابواب
كل سنة وانت طيب
واعمل حسابى على هدوم العيد
وفلوس الكحك والبسكوت والذى منة
ماهو شهر بيعدى هوا
وكلة فى وقت واحد
اسرق والا انصب علشان اجيب كل الحاجات دى
يعنى المدارس ماكنش ينفع تتاجل
هما يعنى من فلاحة العيال
والا خلاص مقطعين الكتب مذاكرة
ماهم هيقعدوا قدام التلفزيون طول النهار
وهيقولولك ما بنعرفش نذاكر واحنا صايمين
وبعد الفطار
مسلسل بيجر مسلسل والا حد هيذاكر
ويروحوا المدرسة عايزين يناموا
يعنى اية الفايدة
هو شهر اللى هيفرق
ماهم ما بيذكروش الا ليلة الامتحان دا ان ذاكروا
وكل ما تشوفونى
عايزين فلوس عايزين فلوس
هو انا قاعد على بنك
مفيش فلوس
مفيش يا ميش
وهاحجزلكوا من بدرى فى موائد الرحمن
اصل السنة دى بالحجز
الحق اقف فى الطابور
سلام

اجتماع عائلى

يوم الخميس من كل اسبوع هو اليوم اللى بنتجمع فية كلنا واليومين دول قرروا اننا نجتمع فى النادى علشان نهرب من القعدة فى البيت فى الجو الحر دة لكن حرارة الجو بتكون احيانا ارحم من  القعدة اللى بنقعدها علشان بيكون الواحد مضروب بالجزمة علشان يحضرها وبيحاول يزوغ منها باى شكل لكن هيهات دايما بتفشل المحاولات فى الزوغان وبيضطر الواحد انه يروح والجزمة فوق رقابتة  اوامر عليا نعمل اية بس الخميس دة كان شكل القعدة مختلف الكل جاى سانن سكاكينة للتانى والا كاننا داخلين حرب العالمية التالتة كل واحد مجهز اسلحتة ومستعد للهجوم فى اى لحظة والسبب ان الخميس اللى فات القعدة كالمعتاد كان دمها يلطش بس حصل فيها هجوم مجموعات على بعض فى البداية كانت واخدة شكل الهزار فكان الكل بيعدى المواضيع لبعض لكن الموضوع تطور لتريقة جامدة والموضوع قلب غامق بعد شوية بدأت ندى وتسنيم بالتريقة على موبيل هبه الجديد من عينة اية الموبيل البيئة اللى انت شايلاة فى حد لسة بيشيل الحاجات دى اللى يجدد ليجيب احدث موبيل يا يدارى اللى معاة بالرغم ان موبيل هبة مش وحش للدرجة دى واحدث من موبيلات ندى وتسنيم  الا ان الاتنين تقولوش اجتمعوا على تكريها فى الموبيل  كلنا كنا بنبص لبعض ومستغربين الوضوع وبنحاول ندخل فى الموضوع الموضوع مش مستاهل وهبة ردت عليهم الموبيل عاجبنى وانا اللى مختاراة وحباة واللى مش عجبة يخبط دماغة فى الحيط هو حد كان دافعلى فلوسة اللى عايز يغير يبقى يغير موبيلة ، الكل ادخل وصلوا بينا على النبى يا جماعة وغيروا الموضوع مين فتح سيرة الموبيلات دى وجلبلنا الوش فى دماغنا  احنا جايين نتقابل والا جايين نتخانق شوية وسارة داخلة علينا وعاملة نيولوك قصة جديدة شكلها كان روعة كل اللى يشوفها يقولها اية الجمال دة ياسارة بجد النيولوك دة حلو انت عاملة شعرك فين وياريتها ما جت وقعدت القعدة دى وسطينا لان بمجرد دخولها شباب العائلة ابدوا اعجبهم بالنيولوك الجديد ودا طبعا ماعجبش البعض من القعدين وعيشى حياتك يا سارة مع دش التريقة اللى اتفتح عليكى اة يابنتى اللى عاملتية فى شعرك انت روحتى عند حلاق حمير كنت وفرتى الفلوس اللى عاملتى شعرك بيها وكنت عاملتلك انا احسن انا بقص لبناتى شعرهم وبعملة والا احسن كوافير دى كانت طنط رودى لما اتدخلت فى الحوار ولما ادخلت طنط مايسة علشان تدافع عن سارة بنتها كان الهجوم عليها شديد وكانت البداية مع طنط منى اللى قالتلها انت اللى مدلعها ماحدش من ولادنا بيصرف زى سارة هى تروح عند كوافير كبير لية وتعمل شعرها عندة وطنط مايسة طبعاً اتضايقت هما مسكين بنتى لية هما مالهم ومالها وقعدت تدافع عن سارة  وماما اتدخلت فى الموضوع هى كمان اصل انا اللى معرفة سارة على الكوافير علشان بتعامل معاة وتدخلت طنط ثناء معاها فى محاولة علشان تهدى الوضع و قبل ما تحصل مشكلة عائلية ويبوظ اليوم قال يعنى مش بايظ هو اية اللى جابك ياسارة كنت فضلتى مع اصحابك احسن ويبدوا ان قعدة الشباب ماكنتش احسن مننا حالاً القعدة بدات بالكورة ولكم ان تتخيلوا اية اللى حصل فيها طالما ان اللى قعدين نصهم اهلاوى والنص التانى زملكاوى والموضوع لما اتنقل على اللبس كان واخد فى البداية هزار ممكن يتعدى لما قالوا لنادر انت جاى ببلوزة مها هو انتوا عندكوا غسيل النهاردة وطبعا حسام وزوبة عربيتة اللى كل شوية محتاجة زقة مش هتعدى بالساهل بالرغم ان حسام هياخد منهم معاة  فى طريقة يوصلهم  ولسان حاله بيقول حمارتك العرجة تغنيك عن سؤال اللئيم ودى كانت عينة من اللى حصل الخميس اللى فات واللى طول الاسبوع كانت النميمة شغالة عليها لكن كانت المفاجاة يوم الخميس لما دخلت سارة وحكتلنا اللى حصل وعلى التليفونات اللى جاتلها لما طنط رودى اتصلت بيها بتسالها عن عنوان حلاق الحمير قصدى الكوافير اللى راحتلة اصل تسنيم وندى عايزين يروحوة الوقتى بقى حلو الكوافير مش كان حلاق حمير المهم سارة اعطتهم العنوان وهنعرف اية اللى حصل لما ييجوا وكانت المكالمة التانية من طنط منى اللى كانت بتدلعها وعايزة ساسو( سارة )  تاخد دعاء مها الكوافير المرة الجاية مش هو دى ساسو المدلعة اللى ماحدش من ولادهم بيصرف زيها 

يتبع 

  بقلم 

رشا خطاب 

4/8/2008