المولد النبوى الشريف

وُلِدَ   الهُدى  فَالكائِناتُ    ضِياءُ”     “وَفَمُ  الزَمانِ    تَبَسُّمٌ     وَثَناءُ
الروحُ  وَالمَلَأُ  المَلائِكُ    حَولَهُ”     “لِلدينِ    وَالدُنيا  بِهِ    بُشَراءُ
وَالعَرشُ يَزهو وَالحَظيرَةُ   تَزدَهي”    “وَالمُنتَهى وَالسِدرَةُ   العَصماءُ

كل عام وأنتم بخير بمناسبة المولد النبوي الشريف اعاده الله على الجميع بخير .

اللَّهُــــــــمّے صَــــــلٌ علَےَ سيدنا  مُحمَّــــــــدْ و علَےَ آل سيدنا مُحمَّــــــــدْ

كما صَــــــلٌيت علَےَ سيدنا  إِبْرَاهِيمَ و علَےَآل سيدنا  إِبْرَاهِيمَ

وبارك علَےَ سيدنا مُحمَّــــــــدْ  و علَےَ آل سيدنا مُحمَّــــــــدْ 

كما باركت علَےَ سيدنا إِبْرَاهِيمَ و علَےَ …آل سيدنا  إِبْرَاهِيمَ

فى الْعَالَمِينَ  إِنَّك حَمِيدٌ مَجِيدٌ.

رشا خطاب 

الوطن | م الآخر| لا مؤاخذة.. w.c

الوطن | م الآخر| لا مؤاخذة.. w.c

الوطن | م الآخر| حدوتة 2013

الوطن | م الآخر| حدوتة 2013

Happy New Year

     كل عام وأنتم بخير ويارب العام الجديد يكون عام سعيد والفرحة ترجع  البيوت والبسمة تنور الوشوش ويطوى صفحة من الاحزان خلفها العام السابق  . والأهل والأصحاب  اللى خسروا بعض بسبب ارائهم السياسية واختلافتهم الفكرية يرجعوا تانى زى ماكانوا مش عايزين السياسة تفرقنا عايزين نرجع ايد واحدة عشان بلدنا ترجع زى زمان .

يارب احفظ مصر واهلها وابعد عنها كل  شر

رشا خطاب

1/1//2014

حدوتة 2013

        

         كان يا ما كان يا سادة يا كرام وما يحلى الكلام الا بذكر النبى علية الصلاة والسلام  . كان فى زمان مش من بعيد من 12 شهر 52 أسبوع  365 يوم ومكان قريب مش بعيد بلد محروسة  تاريخها عريق عاشت حكايات كتير وكل يوم كان ليها حكاية والبداية كانت حزينه من  جبنه نستو يا معفنين ومعركة الاتحادية وتعرية وسحل مواطن  لبلاك بلوك وما حدش عارف مين دول والا  جم منين والا راحوا فين الكهربا مقطوعه وضلمة يا مصر وازمة بنزين ناس تقول تمرد يطلعوا عليهم بتجرد ،والناس اتفرقت  ناس تنزل ميدان التحرير وناس تروح إشارة رابعة وناس تطلع بالميدان الثالث ، ومش كفاية علينا زحمة وطول الطوابير من طابور العيش لطابور الانابيب طلعولنا بالطابور الخامس واحجز مكانك يا مواطن  واللى يقول الشرعية   ونسوا ان  الشريعة للميدان ،نازل والا متنازل ، ثورة شعبية والا انقلاب كل يغنى على ميدانة ( تحرير، رابعة ) ولما كل الميادين والشوارع تقول تمرد ارحل يبقى الكلمة للميادين  والشعب قال كلمتة ايام مرت وكان التفويض .وفى  رمضان ولاول مرة المسلمين والمسيحين يصوموا يفطروا مع بعض هى دى مصر اللى كانت بتبعد عننا ورجعت تانى  . لما تلاقى المخطوفين ذهنيين فى مولد رابعة وتسمع "اخلع نعليك انك بوادى رابعة المقدسة"  .اللى يقول العيد جة قبل رمضان واللى يقول العيد مجاش السنة دى. فض رابعة والنهضة وترسانة اسلحة دم فى كل مكان مين مات ومين هرب ونيولوك لكل جبان حرض وهرب وساب غيره يموت . كنا ايد واحدة شالوا منها صباع وقالو رابعة آه يا بلد وجعانا ووجعنها .

وحتى لما يحصل  حظر تجوال تلاقى الناس فى البيوت بتدور على  اكتشافات الحظر ورويات للحظر .  مرسى راجع ...لا مش راجع ،تسريبات ...تسجيلات. العيد جة قبل رمضان العيد مجاش السنة دى.

عام كامل مر باحزانه وافراحه بدموعه وابتساماته  بضعفه وقوته سمعنا وشاهدنا وعشنا لحظة بلحظة . بدأ بزغروتة و3 أرغفة لكل مواطن  وكهربا مقطوعة والأطفال لبسوا أكفان و بيلعبوا جنازة رسائل حمام زاجل والبطة الجاسوسة وانتهى بتفجيرات ودم وريحه الدم فى كل مكان ناس خلعت الاقنعة وناس لبست اقنعة وناس ركبوا الموجة وناس هربت بالصمت مظاهرات و قانون تظاهر و دستور فى انتظار استفتاء وفى حكايات كتير لسه منسية .

2013 تنتهى و الفرحة مسروقة

......

2014 تبدأ حكاية جديدة بالأمل

وتوتة توتة خلصت الحدوتة

اللهم فى العام الجديد عوضنا عن مافقدناه في العام الماضي وابدلنا خيراً منه وعافنا واعفو عنا ، وحقق أمانينا ، ووفقنا إلى ماتحب وترضى يارب العالمين.

رشا خطاب

31/12/2013

ليلة لم تنم فيها المنصورة

     

    شق الهدوء صوت دوى انفجار ضخم على كافة ارجاء مدينة المنصورة فى الساعات الاولى من يوم الثلاثاء الكل يبحث عن مكان الصادرعنة الانفجار فصوت الانفجار يبدو قريب جدا من كل الاماكن  اصوات سيارات الاسعاف والمطافى تتجة نحو مبنى مديرية  الامن .

انفجار فى مبنى مديرية أمن الدقهلية وانهيار جزء من المبنى قتلى ومصابين كثر انهيار مبنى مسرح المنصورة القومى الأثرى ومبنى البلدية واثار الدمار فى شارع العباسى وش بورسعيد والمبانى المجاورة

عشاء اسرة تناثر على الطريق ومصير صاحبة مجهول

مسرح المنصورة القومى

انهيار مبنى مسرح المنصورة القومى

اثار التدمير على مسجد الصالح أيوب

خسائر متعددة لاصحاب المحال والمبانى المجاورة لمبنى المديرية

الخسائر لحقت العديد من المبانى البعيدة عن مديرية الامن من شدة الانفجار 

الخسائر البشرية 15 شهيد وأكثر من 130 مصاب فى مستشفيات المنصورة العام والدولى والطوارئ وطلخا

الصور ل : حسام ربيع و أحمد الشبراوى وأخرون

                                                                                         رشا خطاب

الثلاثاء الأسود فى جامعة المنصورة

    الثلاثاء 12 نوفمبر 2013 تاريخ لن تنساة جامعة المنصورة فهو يمثل يوم أسود فى أيام الجامعة شهد تظاهرات من الطلاب مؤيدى "مرسى" والمعروفين بـ"طلاب ضد الإنقلاب" تطور الامر إلى اشتباكات بينهم وبين الطلاب والاهالى والامن مما أدى إلى اصابات عديدة و احتراق مكاتب الحرس وتلفيات بالجامعة وخارجها من المحلات والمطاعم المحيطة .

احتراق مكتب حرس الجامعة بوابة الجلاء لجامعة المنصورة

شارع  جيهان والدخان المتصاعد من أحد مكاتب حرس جامعة المنصورة  ببوابة الجلاء

اسلحة بيضاء داخل الجامعة

واسفرت الاشتباكات عن اصابة 90 حالة من بينهم 53 حالة، استقبلتهم مستشفى الطلبة الجامعي و37 حالة بمستشفى الطوارئ، لتلقى العلاج. وتنوعت الاصابات مابين جروح قطعية وكدمات واختناقات.

                                                                                رشا خطاب

كل عام وأنتم بخير

   

          الأيام تمضى وتأخذنا معها فى رحلة العمر نخطو فيها لنستقبل اشخاص ونفارق اشخاص نكتشف حقائق ونتعلم دروس من الحياة, نخطئ احياناً ونصيب و تمر علينا لحظات عسر ولحظات يسر نتخطاها بقول الحمد لله . يولد الفجر من رحم الظلام وتمر الايام وينقضى العام نودع عام مضى لنستقبل عام جديد .  

مع صباح أول يوم فى العام الجديد 1435 هــ 

أسأل الله العظيم رب العرش العظيم في صباح هذا اليوم أن يسخر ليَ ولكم جميع أمانينا و أن يفتح ليَ ولكم باب الرزق من حيث لااحتسب ولا تحتسبوا و أن يطرح في حياتي وحياتكم بركة وسعادة لا تنتهي وأن يبشرني ويبشركم بما طال إنتظاري وانتظاركم به عاجل غير آجل .

اللهم اجعل العام الهجري الجديد خير من سابقه وارزقنا فيه تحقيق امنياتننا واحلامنا واضمد جراحنا واشف آلامنا وارح نفوسنا وارضنا وارض عنا ياالله

اللهم آميييييين

صباح الخير صباح الرضا بما قسم الله

رشا خطاب

عريس المحروسة (3)

        جماعة عم محمد واولادة كانوا نازلين دلع فى ولاد المحروسة وكل يوم والتانى طالعين شايلين ومحملين اكياس وكراتين من كل الخيرات واى حد يشوفوه من ولادها يبقوا عايزين يشيلوه من الارض شيل وبيعرضوا خدماتهم يومياً

فى بيت المحروسة اتجمعوا اولادها عشان يحددوا مين هو العريس اللى يستاهل المحروسة الغالية عليهم واتفقوا انهم طالما مختلفين  كل واحد يكتب اختيارة  واللى يجمع أكبر عدد من الاصوات هو اللى هايكون عريس المحروسة

فى بيت عم محمد جماعتة قالتلة انت لازم تتجوز المحروسة أنا خطبتهالك  وهى بتشاور ولادها عم محمد كان جواة مبسوط من الجوازة دى برضة المحروسة اللى الكل بيجرى وراها بس مكنش مبين عشان الجماعة  وكان بيقول الحمل هايبقى تقيل وانة ما يقدرش يستغنى عن الجماعة وانها كل حياتة ودنيتة  جماعتة قالتلة ومين قال انك هتستغنى عنى الوضع زى ماهو وأنا الأساس  دى جوازة مصلحة لما تخلص هنخلص من المحروسة واولادها المسألة مسألة وقت مش اكتر

فى بيت المحروسة طلعت نتيجة التصويت لصالح عم محمد بفرق صوت واحد عملوا كتب كتاب وفرح ع الضيق وعم محمد وجماعتة واولادة  عملوا فرح كبير هما وحبايبهم واخواتهم  والفرحة كانت كبيرة عم محمد فتح شقتة على شقة المحروسة وفتح صدرة على الحياة الجديدة

فى البداية عم محمد كانت معاملتة حلوة لاولاد المحروسة والمحروسة كانت مبسوطة لكن دوام الحال من المحال الوضع ما استمرش كتير لان ولاد عم محمد برطعوا فى البيت وفى كل مكان يخص المحروسة واولادها ونسوا ان فى ناس تانية عايشة معاهم  استولوا على كل حاجة اى حاجة تقع فى ايديهم تبقى بتاعتهم وعايزين يبعوها  وياريت على كدةوبس

كل يوم تلاقى المحروسة حد من ولادها مضروب اومتصاب وكل ماتيجى تشتكى تلاقى الرد جاهز وهما هايضربوهم لية  دة هما اللى ضربوهم وبعد كدة الموضوع اتطور بلطجية يطلعوا على ولادها يضربوهم ويقلبوهم وتيجى المحروسة تشتكى يقولها شوفى مين اللى مأجرهم تلاقيهم بلطجية  طليقك اللى مأجرهم.

لحد مافى يوم ماتنسهوش المحروسة محمد ابنها ونور عنيها خرج وما رجعش طلبتة عشان تتطمن علية زى ماهى متعودة موبيله  كان مغلق حاولت تطلبة اكتر من مرة والنتيجة واحدة مغلق بدأت تقلق لما التأخير زاد وقلب الام بدأ يتوغوش هى مش متعودة انة يتاخر برة البيت ولو حصل بيقولها انه هيتاخر عشان متقلقش. وكمان لما كلمت اصحابة ماحدش يعرف عنة حاجة . قالت لعم محمد وياريتها ما قالتلة لانة قالها انتى اصلاً ماعرفتيش تربى ولادك تلاقية صايع فى اى حتة مع اى شلة فلتانة مش زى اولادى جماعتى مربيهم كويس  ومطعيين وبيسمعوا الكلام وعمر ماحد منهم ما بيتاخر برة البيت من غير ما يستئذن. قالتلة أنا ولادى متربين أحسن تربية وعمر ما حد منهم أتأخر الا لما بيطمنى بالتليفون او يقولى قبلها أنة هيتأخر أنا قلقانة علية جداً لإن موبيلة مقفول وكلمت اصحابة ماحدش شافة حتى مايلة فى الشغل بيقولوا أنة مجاش النهاردة أكيد حصل لة حاجة لازم نبلغ البوليس.

يتبع

رشا خطاب

عيد أضحى مبارك

كل عام وانتم بخير عيد اضحي مبارك

أعاده الله علينا وعليكم بالخير واليمن والبركات

 ويارب إحفظ مصر من كل سوء