ذكريات رمضان فى اعلان

       اعلان بيبسى الجديد جرى الدمعة فى عيون جيل باكملة  الكل اجمع ان الاعلان حرك جوانا حاجة يمكن  كانت مستخبية   شريط ذكريات استعدناة كلنا من ذكريات الطفولة لحظة استعدانا للرمضان بتجهيز الزينة مع اصحابنا وجيرانا وفرحتنا واحنا بنعلقها ونضبطها عشان شارعنا يكون احلى شارع ومنافستنا مين احسن شارع بيعمل زينة رمضان والفانوس  انتظارنا رؤية الهلال وفرحتنا لما نسمع ان بكرة اول ايام الشهر الكريم ولمة العيلة على الفطاراول يوم رمضان و انتظارنا مدفع الافطار اضرب ولعبنا بالفانوس

بوجى وطمطم والف ليلة وليلة وفوازير رمضان نيللى وشريهان بدون كلام عمو فؤاد عبد المنعم مدبولى الانسان الالى 

المسحراتى عمنا فؤاد حجاج بصوت سيد مكاوى فى التلفزيون  وفى كل شارع فى مصر المسحراتى بيصحينا للسحور وبيندة علينا اسم اسم 

الاذاعة  وفوازير امال فهمى

سباقنا مين هايختم المصحف اكتر من مرة  قصص الانبياء المسلسل الدينى النقشبندى اللقاء اليومى الشيخ الشعراوى قبل الفطار ،صلاة التراويح

احلى اغانى رمضان والله بعودة يا رمضان ،وحوى يا وحى ، مرحب شهر الصوم  ،والله لسة بدرى ،الراجل دة هايجننى

القطايف والكنافة والفرن اللى كان بيتعمل مخصوص للكنافة البلدى

الاعلان دة رجعنا لذكريات حلوة كتير وزمن احلى يمكن بقى بيوحشنا كتير لاننا مبقناش نحس بطعم فرحة زمان

رشا خطاب