الجمعة، 7 يونيو 2013
السبت، 25 مايو 2013
الثلاثاء، 21 مايو 2013
السبت، 18 مايو 2013
هتتخلع يا معلم (5)
انتبهوا ايها السادة جائنا الان مايلى قامت السيدة بسمة برفع دعوى خلع على الاستاذ يوسف فى محكمة الاسرة بعد زواج دام العام واليكم الانباء بالتفصيل بعد سماع هذا الاعلان لا تتعب ولاتحتار احنا معانا القرار اليكم الانباء بالتفصيل كما روتها السيدة بسمة امام محكمة الاسرة حيث تواجد مندوبنا هناك مندوب قالت السيدة بسمة البية اللى اتجوزتة على انة راجل اعمال طلع دلوعة ماما عواطلى وقاعدلى فى البيت ومش عشان مش لاقى شغل لان فلوس ماما الكتييييييييييييييير ممكن تفتحتلة اى حاجة يشتغل فيها البية بيتباهى باحدث موبيل عربية سبور بدل سنيية احدث اجهزة يشتريها كان نفسى يكون بيتباهى بوظيفة انشالة حتى فراش على الاقل لما حد يسالنى جوزك بيشتغل اية الاقى حاجة اقولها بدل مابا اكمل الكدبة واقول راجل اعمال وجويا بيقول عاطل ياناس واتخدعت فية فى الاول كنتا متجوزين جديد كنت فكراة مش قادر يبعد عنى مش مستحمل انة يسبنى وينزل اتارى البية عاطل ولما اقولة انزل اشتغل يقولى هو انتى ناقصك حاجة اصل نسيت اقولكوا لما فى حاجة بتنقص من البيت واقوله انا محتاجة حاجة يطلب ماما على التليفون الو مامى هاتيلى الحاجة دى وانتى جاية اصل البية ما بيعرفش يشترى حاجة متعود طول عمرة ان ماما تشتريلة اى حاجة حتى لما كان فى المدرسة ولحد ما دخل الجامعة لما يحتاج يشترى حاجة كان بيدى الفلوس لاصحابة وهما يشترولة اللى هو عايزة فى اكتر من كدة اقولة وبعدين هى ماما ربنا يديلها طولة العمر هتعيشلك على طول يرد بكل برود ما انا الوريث الوحيد اقولة خد من التل يختل يقولى انا لو اقعدت اصرف فى فلوسها عمرها ما تخلص غلبت واحتار دليلى لا عجبنى الوضع دة والا عدت قادرة استحمل والا عدت طايقة اشوف وشة فى البيت طول النهار قاعد على الكمبيوتر ياما بيعمل شات يا بيلعب جيم يا فاتح التلفزيون وبيتفرج على الماتشات واللى يغيظ بجد بيتفرج على الماتش والاعادة اقولة ما انا متفرج على الماتش امبارح يقولى اصلى كانت اعصابى مشدودة وماكنتش مركز فى الماتش اقولة ما خلاص عرفت النتيجة يقولى دى متعة نفسى يمتعنى بشغلة حتى لو هيدخل عليا بكيس لب بس احس انها من فلوسة بدل ماهيشلنى . طب اقولة بص لاصحابك كل واحد عندة شغلانة يرد وهو شغلهم دة بيجبلهم فلوس دول بيستلفوا منى اقصدة انة بيستلفوا منة من الفلوس اللى الست الوالدة مغرقاة بية اصل هما عايشين سفلقة على قفاة. اقولة اصحى بدرى وانزل مع مامتك الشغل ساعدها الشغل كتير عليها روح حتى لو ساعة معاها يمكن لما يروح الحال يعجبة ويتنحرر ويشتغل مفيش فايدة البية بيصحى العصر. اة يانا منة نفسى احس انى جوزى بيصرف على البيت انا حاسة ان مامتة هى راجل البيت ولما اكلم طنط اللى هى حماتى تقولى هو انتى ناقصك حاجة ناقصنى ان البية ينزل يشتغل عايزين ينقطونى الاتنين اخر ما زهقت جيت ارفع دعوة كان نفسى يحضر ويسمع رأى فية بس للاسف هو لسة نايم
رشا خطاب
18/5/2013
الخميس، 16 مايو 2013
آة……………. يا بلد
الحزن عشش البيوت والبسمة هجرت الوشوش
قطر الغلابة ع الرصيف واقف ياريتة ما تحرك
دهس الغلابة وزاد على الغلب غلابة
الجنازة اتحركت خطوة ورا خطوة
اللى ماشيين فى الجنازة بيوصلوا
اتوصلوا
ماحدش عارف مين بيوصل مين
دم الشهيد روى الجناين ولسة الدم سايل
مين يوقف بحر الدم
قال الشهيد دمى فى رقابيكوا
الصفحة كلها بقت شخبطة بالدم
دمعة من العين نزلت
دمعة ورا دمعة
وانا مين يمسح دمعتى
على بلدى
رشا خطاب
16/5/2013
الاثنين، 13 مايو 2013
الأحد، 5 مايو 2013
شم النسيم
تعبين نفسكوا فى النصايح
بلاش فسيخ بلاش رنجة
تعبكوا هايروح على الفاضى
دة شعب غاوى
عصر الليمون
رشا خطاب
عيد ميلاد هالة (ضى القمر)
عيد ميلاد ضى القمر
زى النهاردة من كام سنة
كان احتفال الفرحة والضحكة
تفيض على المكان
فجآة من غير ميعاد
طارت عروسة فى السما
خمسة خمسة يوم الخميس
الساعة خمسة
كان ميلاد ضى القمر
اللى انطفى
رشا خطاب
السبت، 27 أبريل 2013
فيها حاجة حلوة
فيها حاجة حلوة فين ما اعرفش بس المهم ان اكيد فيها حاجة حلوة وهندور عليها بالعدسة او بالميكروسكوب والا نخلى جوجل يدور عليها والا نعمل مسابقة ندور على الحاجات الحلوة المهم اننا نلاقيها وهنلاقيها لو عايزين او هنتخيل اننا لقينها الفكرة تبدأ بخيال وبا الاصرار بتتحول لحقيقة .
السبت، 16 مارس 2013
عريس المحروسة (2)
جماعة عم محمد حست بالخطر الوقت كان قليل وهى كانت بانية خططها ومرتبة وضعها على اخوها التغيير لعم محمد كان صعب لان فرصة مش كبيرة زى باقى العرسان فقررت هى واولاادها انهم ينزلوا بنفسهم ويجمعوا معلومات تفصيلية عن كل العرسان ويلفوا حواليهم ويعرفوا كل حاجة عنهم من البواب والمكوجى و بتاع العيش والخدامة والسوبر ماركت هما بيشتروا منة اية ويسئلوا عن اصحابهم و اعدائهم ومتشكلين مع مين معلومات تفصيلية ودقيقة جدا وكل اللى كانوا يعرفوة ينقلوة بطريقتهم لجيران واصحاب المحروسة بعد ما يضيفوا شوية تحابيش تفركش اى جوازة وتدخل الشك فى الموضوع ويأكدوا على اللى بيقولوة ان الموضوع سر والا كانى قلتلك حاجة احنا مالناش دعوة والمهم انهم يكونوا بعاد عن الصورة.وطبعا السر مش بيكون فى بير والكلام كان بيوصل للمحروسة اللى بيوصل الكلام كان بيزود شوية تحابيش كمان من عندة
وفضل الوضع على دة الحال لحد ماتبقاش غير عريس واحد وجماعة عم محمد كانت شايفاة انها تقدر تطفشة بسهولة .
فراحت للمحروسة ونزلت عليها بالقنبلة وعرضت عليها انها تتجوز سى الاستاذ محمد المحروسة اتخضت من العرض لكن جماعة عم محمد قالتلها احنا ستات زى بعض وانتى اتظلمتى كتير واحنا شفنا ظلم كتير وعيشنا زيك فى الظلم وعمر اللى اتظلم ما هيظلم سى الاستاذ محمد راجل طيب وشوفى هو بيعاملنا ازاى وهيراعى ربنا فيكى وفى اولادك وولادك هيكونوا اخوات لاولادى وانا اللى بقولك وبخطبهولك خدى وقتك وفكرى وردى عليا . بس خدى بالك كلام الناس كتر والناس ما بترحمش وبدأوا يتكلموا عليكى ويقولوا من بعد ماخلعت جوزها وهى عاملة مزاد على العرسان ومستحلية الموضوع
المحروسة بعد تفكير قعدت مع ولادها وقالتهم الوقتى الموضوع طول وانا جمعتكوا النهاردة عشان تقرروا تختار بين الاستاذ محمد والعريس التانى فشوية من ولادها قالوها الاتنين ما ينفعوش لا عم محمد ينفع والا العريس التانى ينفع عم محمد لابيهش والا بينش وجماعتة هى اللى ممشياة الكلمة كلمتها والشورة شورتها والعريس التانى زى جوزك الاولانى يبقى عملتى اية هنرجع للقرف والهم تانى وكانك يا بو زيد ماغزيت . شوية تانيين من ولادها قالولها العريس التانى قوى ولة هيبة هو اللى يقدر يحافظ عليكى وهو شاف انك خلعتى جوزك الاولانى واكيد هيحط دة فى حساباتة .
وشوية من ولاها قالولها عم محمد هو المناسب راجل طيب وابن حلال وشوفى بيعامل جماعتة ازاى ودة لو معجبكيش سهل تخلعية واخر مجموعة من ولادها قالولها اللى تشوفية يا ماما احنا مالناش قول بعد قولك اللى هتوافقى علية احنا موافقين علية المحروسة احتارت تختار مين وفكرت انها نعمل قرعة واللى هايطلع هيكون هو العريس
يتبع
16- مارس 2013
رشا خطاب
الاشتراك في:
الرسائل (Atom)